Duniya tatsuniya ce,
An yi sarki jarumi ne,
Yana da ɗiya budurwa,
Duk 'yan matan garinsu,
Babu mai kyawu kamarta.
Wai tai shuhurar samari,
Jarumai wasu tajirai ne,
Wasu ko ilimi gare su,
Wani ɗan sarki ta aura,
Ƙasaitacce na nuni.
Suna shagalin sarauta,
Guguwar tsufa ta hau su,
Ta danne dukkaninsu,
Wawaye duniyar nan,
Ta ke ruɗa da mulki.
Koda iko koda ilmi,
Su biye wa zuciyarsu,
Yan birni na zuga su,
Har sai sun hallaka su,
Su janye jiki su bar su.
Duniya tatsuniya ce,
A Kano wai an yi Sallau,
Musa mai taka Naira,
An yi Kundila a da can,
Tajirai ne su dukkansu.
Sai dai kuma kan su ƙifta,
Ido su rufe su buɗe,
Sun shuɗe sai wasunsu,
Barau ƙwallo na shege,
Ya shuɗe babu shi yau.
Ribar ita duniyar nan,
Ka bi Allah Shi da Manzo,
Ka rabauta a lahirarka,
Amma ita duniyar nan,
Hilata, wa ne kilaki?
Guguwa ce mai gushewa,
Ga dukkan masu motsi,
Mai kudi talaka da malam,
Wawa gaula da sauna,
Dila zaki da ɓauna.
Malam Khalid Imam
08027796140
khalidimam2002@gmail.com
0 Comments
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.