Babu shakka Yan'uwana,
An raba min hankalina,
Na yi dukkan bincikena,
Kuma na rasa Wanda za na zaba.
Zogale da kuli-kulinsa,
Har da danyar albasarsa,
Ga timatir ja cikinsa,
Ba a mar kwauron abin hadi ba.
Can a gefe kwa ga dajaja,
An gasa ta jikinta yai ja,
Ta ji yaji har da manja,
Kila har magi ba a rasa ba!
Malamai Kuma sun bayani,
Sun kwadaitar sun yi nuni,
Zogale a bisa yakini,
Kaza ba ta kai shi fa'ida ba.
Shi ya sanya duk na rude,
Shin in dau ganyen in tande,
Ko ko kazar za na bude,
Na ci ba sai na bi ka'ida ba?!
Yan'uwa da maza da mata,
Shawararku na ke bukata,
Kar fa in biye zuciyata,
Nai hukumci ba a kan sani ba!
Abubakar Alkantamawy Nakowa
08022581902
***
Malama Halima Mansur Kurawa:
In za ka bi shawara ta,
Ɗauki ganyen nan kwaɗanta,
Ita kazar nan ka bar ta,
Domin ba ta kai shi fa'ida ba.
***
Gamarali:
Minyi daidaito a zaɓi
Zogalan shi zani ɗauka
Ita ko kazar in barta
Tunda dai bata fishi faida ba🤣🤣
***
Malam Musa Abubakar Kurawa:
Gaskiya ni shawarata,
Ɗauki zogalan na fahimta,
Don kazar ba ta kai shi fa'ida ba.
Don nai kallo na ƙurlla,
Na ga kaza ce ta gwamna,
Babu komai jikinta,
Kemikal ne suka kumbura ta.
Don haka ɗauki ɗan asalin halitta,
Wanda ba cushe cikinsa,
Kar kai gamo da cutar nan ta kansa.
0 Comments
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.