Citation: Bunguɗu, U.H. (2021). Bara da wasu waƙoƙin bara a ƙasar Hausa. Ahmadu Bello University Press Limited.
Domin samun cikakken littafi, a tuntuɓi:
Dr. Haruna Umar Bunguɗu
(Sarkin Gobir Na Bunguɗu)
Email: harunaumarbungudu@gmail.com
Phone: 08065429369
Zubin Ɗiya
Wannan na nufin yadda zaren
tunanin mawaƙi ke bayyana a
cikin ɗiyan waƙar da yake tsarawa. Wato zuwan saƙon waƙa bi da bi ba tare da rikita tunanin mai saurare ba. Waƙoƙin bara suna
tafiya bisa irin wannan zubi. Wato saƙon
cikinsu yana fitowa a tsare ba tare da kwan gaba kwan baya ba. Misali:
Jagora: Sai ni na malam
Sani.
Amshi: To.
Jagora: Almajiri da ƙaho.
Amshi: To
Jagora: Guda na shukar gero
Amshi: To.
Jagora: Guda na shukar dawa.
Amshi: To.
Jagora: Guda na shukar marar tuwo.
Amshi: To.
Ja gora: A sa ta a baki da daɗi.
Amshi: To.
(Almajiri da Ƙaho)
Wannan waƙar an tsara ɗiyanta
daki-daki daidai yadda tsarin tunanin mawaƙin yake. Idan aka lura waƙar kamar ta
kamanci ce, wato nuna wata jaruntaka amma ga abinci. Tun a ɗa na farko a ka fara da kirari na
cewa shi na Malam Sani ne kuma ƙahoni gare shi.
Daga nan sai ya fara bayyana aikin kowane ƙaho daga cikin ƙahonin. Ƙaho biyu na farko na aiki ne, wato shuka ta gero da dawa.
Ƙaho na uku kuwa nasukar marar tuwao ne. Ka ga ya tsara
zubin ɗiyan waƙarsa daidai da zaren tunaninsa na son bayar da nishaɗi ga masu saurarensa. Ya far da
aiki domin a ji kamar dukan ƙahonin wani
abin kirki suke yi. Bayan hankalin masu saurare ya tafi a haka, sai kuma ya
waske da cewa ɗaya ƙahon na cin tuwo ne. Wannan zai sa masu saurare dariya,
kuma ita ce manufar.
0 Comments
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.