𝐓𝐀𝐌𝐁𝐀𝐘𝐀❓
Aslam alaikum. Malam Allah ya saka bisa irin taimakon da kukeyi mana akoda yaushe. Allah ya jikan mahaifa. Ameen. Malam neman shawara nake nema gareka. Malam wacce nake sonta da Aure na ke yawan samunta da yi min karya. Kuma malam inayin iyaka bakin ƙoƙarina wajen janyo hankalinta a kan illan karya da makamancin hakan. Domin irin posting din da kake yi a kan hakan ina yawan nuna mata illar hakan, amma har yanzu Allah bai sa ta daina ba. Malam ni kuma ina kaunarta, domin ina shirin tura iyaye na gidansu nema.
𝐀𝐌𝐒𝐀❗️
Wa alaikas
salam wa rahmatullahi wa barakatuhu.
Hakika Ƙarya
tana daga cikin Manyan zunubai (Alkaba'ir) kuma ita ce tushen mafiya yawan
miyagun laifuka. Domin hakika malaman tarbiyyah suna ganin cewar mutukar mutum
ya siffantu da Ƙarya, to zai iya aikata kowanne irin laifi ma.
Manzon Allah ﷺ ya ce: "KU GUJI YIN ƘARYA
DOMIN ITA TANA KAIWA ZUWA GA FAJIRCI (BUSHEWAR ZUCIYA) SHI KUMA FAJIRCI YANA
KAIWA ZUWA GA WUTA. KUMA MUTUM BAZAI GUSHE YANA YIN ƘARYA KUMA YANA SON YIN ƘARYA
BA, FACHE SAI AN RUBUTASHI AGUN ALLAH CEWA LALLAI SHI MAKARYACI NE".
shawara da zan
baka ita ce: ka cigaba da yi mata wa'azi ako yaushe tare da ba ta shawara a kan
Ƙawayen
da take yawo dasu. Watakila ko tana ganin irin wannan halayen daga garesu ne.
Kayi ƙoƙari ka
rabata da wannan mugun halin amatsayinta na wacce nan gaba kake sa ran zata
zamanto uwar 'ya'yanka, kuma malamar farko garesu wacce ita zata ba su tarbiyyah.
Wajen zabar
matar aure, Manzon Allah ﷺ
ya bamu shawara muhimmiya ya ce: "LALLAI KU AURI MA'ABOCIYAR ADDINI".
Malamai suka
ce Ma'anar Ma'abociyar addini ana nufin mace mai tarbiyyar, mai kyawun halaye
kamar haƙuri,
kunya, gaskiya, rikon amana, girmama manya, etc.
WALLAHU
A'ALAM.
Zauren
Fatawowi Bisa Alkur'ani Da Sunnah, ta fahimtar magabatan ƙwarai.
𝐖𝐇𝐀𝐓𝐒𝐀𝐏𝐏👇
https://chat.whatsapp.com/BSA30hdZD7V3WSJF8WVwUj
𝐅𝐀𝐂𝐄𝐁𝐎𝐎𝐊👇
Https://www.facebook.com/groups/336629807654177
𝐓𝐄𝐋𝐄𝐆𝐑𝐀𝐌👇
https://t.me/TambayoyiDaAmsoshi
ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ
**************************
Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.
0 Comments
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.