Akwai abubuwan da suka kamata masu niyyar kai yaransu wajen koyon sana'a su yi la'akari da su:
1. Kar ka bari yaro ya san daɗin kuɗi ba tare da ya san wahalar samun su ba.
2. Ka yi ƙoƙari ka kai shi wajen sana'a da zarar ya kammala aji uku na sakandare yadda zai iya kammala koyon sana'ar a lokacin da zai kammala sakandare.
3. Ka tabbatar inda ka kai shi koyon sana'a ba kyauta ake koyarwa ba. Ka biya a koya masa. Idan ma kyauta ne to ka riƙa yiwa mai gidansa ihisani lokaci zuwa lokaci. Duk inda ake biyan kuɗin koyo da gaske ake yi.
4. Ka tabbatar wanda zai koyawa ɗan ka ko ƙaninka sana'a mai tarbiyya ne. Ko shakka babu wasu ɗabi'un sa za suyi naso a kan yaron. Misali gaskiya, amana, jajircewa d.s.s.
5. Kar ka bari sai yaro ya girma sosai sannan ka ce ya je ya koyi sana'a. A wannan lokacin gani zai yi takura ce kuma idan ya fara balaga zai iya jin kunya don kar budurwarsa ta gansa yana koyo.
6. Kar ka kai yaro koyon sana'ar da ba ta cigaba ko tafiya da zamani. Ka riƙa kasa kunne ka na sanin sana'o'i na zamani don kar ka yi wa yaro kuskure. Wani lokacin ana iya bawa yaro zaɓi na irin sana'ar da ya ke so. In babu matsala sai a kai shi.
Shawara kyauta
%20Nigeria.png)
0 Comments
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.