Nazarin Amsa-Kama A Wakokin Bakan (6)

Kundin Binciken Neman Digirin Farko (B.A Hausa) Wanda Aka Gabatar A Sashen Harsuna Da Al’adu, Jami’ar Tarayya Gusau.

Nazarin Amsa-Kama A Waƙoƙin Bakan (6)

NA

SAMAILA ALIYU

 

BABI NA BIYAR

KAMMALAWA

5.0 Kammalawa

            A babi na ɗaya an nuna yadda tsarin binciken ya gudana. Babin ya fara ne da gabatarwa sannan aka kawo manufar bincike. An bayyana cewa a lokacin da ake ƙoƙarin karance-karancen don samar wa binciken gindin zama, ba’a ci karo da wani bincike da aka yi irin wannan binciken ba. An ambaci cewa farfajiyar binciken ta tsaya ne kan ayyukan da aka gudanar waɗanda suka shafi amsa-kama a waƙoƙin baka. An bayyana muhimmancin wannan bincike da cewa an aiwatar da shi ne domin a magance ire-iren matsalolin da ake cin karo da su wajen fahimtar amsa-kama cikin waƙoƙin baka. Aikin ya gudana ne ta hanyoyin tattaro bayanai daga littafai da aka wallafa da kundayen da bitar ayyukkan da suka gabaci wannan aiki waɗanda suke da nasaba da shi. An gudanar da aikin bitar ayyukan ne kan muhimman ayukka daban-daban da aka gudanar kan amsa-kama; ayyukan su ne Murphy (1980), da depereze (1991), da Stephen (2012), da Amfani (1996), da cole (1995), da Galadanci (1976), da Newman (1977).

            Babi na hudu bayan gabatarwa, aikin ya tattaro amsa-kama daga mawaka daban-daban na Hausa. Aikin ya kawo ire-iren amsa-kama cikin waƙoƙin baka.

 

5.1 Shawarwari

Dangane da bincike da aka gudanar, a lokacin da ake ƙoƙarin kammala wannan aikin, an fahimci cewa akwai wasu muhimman abubuwa da ya kamata masana su maida hankalinsu game da su. Abubuwan sune:

(a)               Ya kamata masana nahawun harshen hausa, su ƙara ƙoƙari, don a samar da ƙarin ƙamusun Ingilish zuwa Hausa.

Saboda ba wani ƙamus mai irin wannan tsari baya gana Rozna ma Newman, wanda ta wallafa a shekarar 1997.

samar da kamusu irin wannan zai taimaka wa masu nazari don samun sauƙin fassara wasu kalmomi na ilimin kimiyar harshe a lokacin da suke gudanar da nazarin wani fannin nahawu daga littafan Ingilishi.

(b)              Masana ilimin kimiyar harshe da suke gudanar da ayukkansu a kan harshen Hausa ya kamata su lura da ire-iren sababbin kalmomi da suke shigowa na zamani zuwa cikin harshen Hausa. Rashin lura da ire-iren wadannan kalmomi na iya haifar da matsala na samun ɓacewar kalmomi na asali.

(c)               Gudanar da nazarin waɗannan kalmomi zai taimaka wajen adana kalmomin Hausa na asali ba tare da sun ɓacce ba.

Sannan kuma za’a sami ƙarin wasu kalmomi da za su dace da zamanin da ake ciki.

5.2 Manazarta

Tuntuɓi masu gudanarwa.