Shin Ana Iya Ganin Annabi (SAW) A Zahiri (Ido Da Ido)?

𝐓𝐀𝐌𝐁𝐀𝐘𝐀❓

Assalamu alaikum, Malam, ina da tambaya, da gaske ana ganin Annabi (Sallallahu Alaihi Wasallam) a zahiri (ido da ido) ko ba a ganinsa sai a mafarki?

𝐀𝐌𝐒𝐀❗️

Wa alaikumussalam warahmatullahi wabarakatuh.

Malamai sun kasu kashi biyu akan maganar ganin Annabi Muhammad (Sallallahu Alaihi Wasallam) a zahiri (ido da ido) bayan komawarsa ga Ubangiji:

1. Mahangan Mafi Yawan Malaman Sunnah (Jamhur): Mafi yawan malamai (kamar su Ahlus Sunnah wal Jama'ah) suna ganin cewa ba zai yiwu a ga Annabi (Sallallahu Alaihi Wasallam) a zahiri (ido da ido) a duniyar nan ba bayan rasuwarsa. Hujjojinsu sun haɗa da: Annabi (Sallallahu Alaihi Wasallam) ya rasu kuma yana rayuwar Barzahu, kuma babu wani matattu da yake dawowa duniya ko fitowa daga kabarinsa kafin Ranar Alkiyama. Sahabbai (kamar su Sayyidina Ali, Nana Aisha, da sauran su) sun fuskanci manyan fitintinu da matsaloli bayan rasuwarsa, amma babu wani daga cikinsu da ya taɓa cewa ya ga Annabi (Sallallahu Alaihi Wasallam) a zahiri domin ya tambaye shi mafita.

2. Mahangan Malaman Sufaye (Musamman Dariku): Wasu masana da malamai na ɓangaren Sufaye (kamar su Tijjaniyya) suna ganin cewa zai yiwu a ga Annabi (Sallallahu Alaihi Wasallam) a zahiri (ido da ido) a farke. Suna dogara da: Fassarar hadisin nan dake cewa: "Wanda ya ganni a mafarki, zai ganni a farke..." (ko kuma a wata sifar: kamar ya ganni a farke). Suna fassara "farke" a nan da cewa mutum zai iya ganinsa a zahiri a nan duniya. (A ya yin da sauran malamai kuma suka fassara "farke" da cewa ma'anarsa mutum zai ganshi ne a ranar Alkiyama).

Ganin Annabi (Sallallahu Alaihi Wasallam) a mafarki tabbataccen abu ne a fadin Manzon Allah (Sallallahu Alaihi Wasallam) da kansa. Amma ganinsa a zahiri (ido da ido) a farke bayan rasuwarsa, abu ne da malamai suka yi saɓani akai, inda mafi yawan malamai suka ce hakan ba zai yiwu ba.

A takaice: ba a ganin Annabi (Sallallahu Alaihi Wasallam) ido da ido, amma ana iya ganinsa amafarki, nankuma sai wanda yake da ilmin sanin siffarsa "ka karanta shama'ilil muhammadiyya, in sha Allahu, idan ka ganshi zaka gane shi"

Qarya ne mutum ko waye shi yazo yace wai ya haɗu da Annabi (Sallallahu alaihi wasallam) ido da ido, yabashi wata ibada wadda bai baiwa sahabbansa ita ba, Wannan kam qarya ne komai girman mutum munce qarya yakeyi tinda har rikici yafaru tsakanin sahabbai (Radiyallahu anhum) Annabi (Sallallahu Alaihi Wasallam) ko sau ɗaya be taɓa bayyana yace wane shine akan daidai ba, wane ba akan gaskiya yake ba, to damme wasu zasuce wai har sun gashi a zahiri. shin kun taɓa ji Aisha (Ra) da aka bunne Annabi (Sallallahu alaihi wasallam) a ɗakinta tace yataso ya gayamata wani abun?

Shin meya sa Annabi (Sallallahu alaihi wasallam) bai bayyana ya warware matsalar data faru tsakanin Mu'awiya (Ra) Da Imamu Ali (Ra) ba, meya sa bai bayyana ba?? Kenan Masu qaryan cewa sunga Annabi (Sallallahu alaihi wasallam) a zahiri qarya suke ba Annabi (Sallallahu Alaihi Wasallam) suka ganiba.

Kwanakin nan naga wata wai Annabi (Sallallahu alaihi wasallam) yazo ɗakinta cikin dare harma yabata Alqur'ani kuma wai mijinta bai ganshi ba sai ita kaɗai ce ta ganshi.

Abunda muke tambaya wai meya sa baya zuwa da rana se daddare?? Kunga Wannan ai Iskancine da raina hankulan jahilai saboda haka ba a ganin Annabi (Sallallahu alaihi wasallam) a Fili ido da ido Amma ana iya ganinsa a mafarki. Ganin Annabi (Sallallahu Alaihi Wasallam) na gaskiya a bayyane yana nan sai a ranar Alkiyama da kuma cikin Aljanah.

WALLAHU TA'ALA A'ALAM

Zauren Fatawoyi Bisa Alkur'ani Da Sunnah. Ku kasance Damu...

Wallāhu Taʿālā Aʿlam — And Allah knows best.

Zauren Fatawoyi Bisa Alƙur’ani da Sunnah.

  ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ

WALLAHU A'ALAM.

https://t.me/TambayaDaAnsa

𝐖𝐇𝐀𝐓𝐒𝐀𝐏𝐏👇

https://whatsapp.com/channel/0029VaA8YpB42DcZdoRuCj3G

𝐅𝐀𝐂𝐄𝐁𝐎𝐎𝐊👇

Https://www.facebook.com/groups/336629807654177

**************************

Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.