Yadda Ake Yin Salatus Tasbihi

𝐓𝐀𝐌𝐁𝐀𝐘𝐀❓

Assalamu Alaikum malam mene ne salatus tasbihi? Kuma yaya ake sallatus tasbihi? Kuma Mene ne ingancin ta?

𝐀𝐌𝐒𝐀❗️

Wa alaikumussalam warahmatullahi wabarakatuh.

salatus tasbihi wata sallace mai daraja, Manzon Allah sallallahu alaihi wa sallam ne ya ba da falalarta kamar yadda hadisinta ya zo a cikin (MUSNADUL IMAM AHMAD DA SUNANUL IBNUL ABU DAWUD) Hadisine ingantacce babu shakka gameda ingancinshi, koda yake akwai wasu malamai da suke ganin wasu ruwayoyi basu ingantaba, amma dai asalin hadisin ya tabbata.

Malaman Hadisi irin su: Al-Imam Muslim, da Al-Imam Abu-Dawud, da Al-Imam As-Subkiy da Al-Hafiz Ibn. As-Salah, da Al-Hafiz Ibn. Hajr Al-Asƙalaniy, da Al-Mujaddid Al-Albaaniy (Rahmatul Laahi Alaihim) duk sun kyautata wannan hadisin saboda yawan hanyoyinsa. Kamar yadda aka samu wasu malaman irin su: Al-Imam Al-Baihaƙiy yana cewa: ‘Abdullah Bn Al-Mubarak ya kasance yana yin Salatut-Tasbihi, kuma sashen malaman ƙwarai (Sahihai) sun riƙa koyonta daga sashensu.

Annabi sallallahu alaihi wasallam ya cewa kawunshi, wan mahaifinshi (ABBAS) ya kawu ina sonka zan yi maka wata kyauta, zan yi maka wani alkhairinda Allah zai gafarta maka laifuffukanka baki ɗaya, kananan su da manyansu yafadi falala masu yawa.

Ita sallar raka'a huɗu ce (4) akeyinta kamar (AZAHAR KOH LA'ASAR KOH ISHA'A) duk yanda kayita daidaine inkaso za ka yi karatunka a bayyane koh kayi asirrance koh kayi dukka raka'a huɗun a bayyane koh kayi raka'a biyun farko a bayyane raka'a biyun karshe a sirrance kamar (ISHA'A), ita ana karanta mata (FATIHA DA SURAH) dukka raka'a huɗun. Idan ka gama karatun (FATIHA DA SURAH) ba ruku'u za ka yiba, sai ka karanta: SUBUHANALLAH, WALHAMDULILLAHI, WALA'ILA HA'ILLALLAHU, WALLAHU AKBAR Sau goma sha biyar (15) a tsaye bayan karatun FATIHA da SURAH kafin kayi ruku'u; sannan kayi ruku'u kayi zikirorin da akeyi a ruku'u sannan ka karanta: SUBUHANALLAH, WALHAMDULILLAHI, WALA'ILA HA'ILLALLAHU, WALLAHU AKBAR sau goma (10) sannan ka dago daga ruku'u, bayan kayi Addu'an dagowa daga ruku'un sai kuma kamaimaita: SUBUHANALLAH, WALHAMDULILLAHI, WALA'ILA HA'ILLALLAHU, WALLAHU AKBAR sau goma (10), sannan kayi sujuda bayan Addu'an sujuda sai kamaimaita: SUBUHANALLAH, WALHAMDULILLAHI, WALA'ILA HA'ILLALLAHU, WALLAHU AKBAR sau goma (10), sannan ka dago daga sujuda kayi zikirin da akeyi a tsakanin sujuda guda biyu sannan kamaimaita: SUBUHANALLAH, WALHAMDULILLAHI, WALA'ILA HA'ILLALLAHU, WALLAHU AKBAR sau goma (10), sannan ka koma sujuda ta biyu bayan zikirin sujuda sai kamaimaita: SUBUHANALLAH, WALHAMDULILLAHI, WALA'ILA HA'ILLALLAHU, WALLAHU AKBAR sau goma (10), sanda ka ɗago daga sujuda ta biyu kada ka mike tsaye kayi abun da ake kira (JALASATUL ISTIRAHA) shi ne dan zaman da akeyi tsakanin rakaoi guda biyu sai kamaimaita: SUBUHANALLAH, WALHAMDULILLAHI, WALA'ILA HA'ILLALLAHU, WALLAHU AKBAR sau goma (10) idan ka haɗasu sun zama saba'in da biyar (75) ke nan a raka'a ɗaya, haka za ka maimaita ta a raka'a ta biyu, data uku, data huɗu, idan ka haɗasu dukka ya zama (300) ke nan a raka'a huɗu.

Shari’ar Musulunci ta kwaɗaita wa masu Imani yin wannan sallar. Tana jawo wa musulmi gafarar Zunubansa na farko, da Zunubbansa na ƙarshe, da Zunubbansa daɗaɗɗu, da Zunubbansa sababbi, da Zunubbansa da ya yi cikin kuskure, da Zunubbansa da ya yi da gangan, da Zunubansa ƙanana da Zunubbansa manya, da Zunubbansa na ɓoye, da Zunubbansa na bayyane.

Manzon Allah tsira da Amincin Allah su tabbata agareshi ya ce; duk laifukanka za a gafarta maka In sha Allah, za ka iyayinta da rana ko dare. Manzon Allah (Sallallahu Alaihi Wasallam) ya ce idan za ka iya yi kullum kayi, idan ba za ka iyaba ka rinkayi duk mako (Sati) idan ba za ka iya yiba karinkayi duk wata, idan ba za ka iya yiba karinkayi duk shekara, Annabi (Sallallahu Alaihi Wasallam) ya ce ko sau ɗaya ne a rayuwarka kayi kafin Allah ya ɗauki ranka, tanada lada. Wannan ita ce ake kira da salatus tasbihi.

WALLAHU A'ALAM

Zauren Fatawoyi Bisa Alkur'ani Da Sunnah.

 ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ

WALLAHU A'ALAM.

https://t.me/TambayaDaAnsa

𝐖𝐇𝐀𝐓𝐒𝐀𝐏𝐏👇

https://whatsapp.com/channel/0029VaA8YpB42DcZdoRuCj3G

𝐅𝐀𝐂𝐄𝐁𝐎𝐎𝐊👇

Https://www.facebook.com/groups/336629807654177

**************************

Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.