Hukuncin Matar Da Mijinta Ya Yi Tafiya Tsawon Shekaru 20 Sai Ya Dawo, Bayan Matarsa Ta Auri Wani Mijin

𝐓𝐀𝐌𝐁𝐀𝐘𝐀❓

Assalamu alaikum da fatan Malam yana lafiya tare da dukkan jama'arsa baki daya. Malam tambayata Ita ce mene ne hukuncin matar da mijinta ya tafi bai dawo ba har sai da aka Shekara 20 sannan ya dawo, bayan ita kuma ta auri wani mijin?

𝐀𝐌𝐒𝐀❗️

Wa alaikumus salam wa rahmatullah.

A bisa tsarin Shari'ar Musulunci (musamman a Mazhabin Malikiyyah), hukuncin matar da mijinta ya tafi kuma ta sake aure ya danganta da yadda ta bi matakan rabuwa da shi kafin ta yi auren.

Bisa Mazhabin Malikiyyah idan mace mijinta ya tafi ya barta, kuma babu wani labari daga gareshi, to tana da damar takai maganarta wajen Alkali. Shi Alkalin zai bayar da izini ga waliyyan mijin nata suje su nemoshi aduk wuraren da ake tsammanin samunsa.

Idan har aka shekara huɗu ba a samoshi ba, kuma babu labarinsa, to Alkali zai ba ta damar yin takaba (iddatul wafat) tsawon wata huɗu da kwana goma. Daga nan kuma idan ta kammala to tana da damar sake yin wani sabon aure idan ta samu wani mijin.

Idan irin waɗannan matakan aka bi har aka kaiga yin sabon auren, to shi tsohon miji bashi da hujjah a karkashin shari'ar addinin Musulunci.

Idan ba ta kai maganar ga Alkali ba, ta yanke hukunci da kanta ko ta auri wani ba tare da an raba auren ta na farko ba ta hanyar shari'a ba, to auren da ta yi na biyu ba tacce ne (ba ya inganta), kuma dole ne a raba tsakaninsu. Mijinta na farko yana da damar ya dawo da ita idan ya ga dama

Wannan ita ce fatawar Mazhabin Malikiyyah da Hanbaliyyah. Amma su Mazhabar Habafiyyah sun tafi a kan wani ra'ayin saɓanin wannan. Su suna ganin cewa matarsa ba za ta yi sabon aure ba, har sai bayan Ƙarewar sa'anninsa. Misali kamar bayan sa'anninsa sun cika shekaru tamanin ko fiye da haka aduniya.

WALLAHU A'ALAM.

Zauren Fatawoyi Bisa Alkur'ani Da Sunnah.

 ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ

WALLAHU A'ALAM.

https://t.me/TambayaDaAnsa

𝐖𝐇𝐀𝐓𝐒𝐀𝐏𝐏👇

https://whatsapp.com/channel/0029VaA8YpB42DcZdoRuCj3G

𝐅𝐀𝐂𝐄𝐁𝐎𝐎𝐊👇

Https://www.facebook.com/groups/336629807654177

**************************

Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.