Hadisin Da Yake Cewa "Za Ku Iya Tsayuwar Arfat a Gidajenku"

𝐓𝐀𝐌𝐁𝐀𝐘𝐀❓

Assalamualaikum warahamatullahi wabarakatu dftn antashi lpy malan Dan Allah Ina son sanin inganci wannan Hadith din👇

Za ku iya tsayuwar Arfat a gidajen ku kamar yadda yazo a Hadisin Manzon Allah SallAllahu Alaihi Wasallam

  Hadith

An samo daga Jabir (Allah Ya kara yarda a gare shi) yace, Manzon Allah (SAW) yace; babu wani mutum Musulmi da zai tsaya a ranar Arfat idan baya filin Arfat ya samu wani wuri ya fuskanci Al-Ƙibla ya zauna sai ya karanta wadan nan kamar haka:-

- La'ilaha illahu Wahadahu Lashari Kalahu Lahulmulku Wa Lahulmulku Wa huwa Ala Kulli Shai'un Ƙadir - 100×

- Suratul Iklas (Ƙul HuwalAllhu Ahad)- 100×

- Allahumma Salli Ala Muhammad Wa'ala Ali Muhammad Kama Sallaita Ala Ibrahim Wa'ala Ali Ibrahim Innaka Himidun Majid, Wa'alaina Ma'ahum - 100×

Babu wanda zai yi wannan sai Allah (SWA) Ya tara Mala'ikun Sa Yace me kuke ganin ya kamata Na saka ma wannan bawan Nawa?

Sai Mala'iku suyi shiru, don babu wanda zai iya magana

Sai Allah Yace wannan bawan Nawa ya Tsarkake Ni, yace La'ilaha illah ya Girmama Ni ya Daraja Ni ya nuna ya san Ni kuma ya Yabe Ni sannan ya yima Annabi Na Salati

Sai Allah Yace toh ku zama shaida Na gafarta mashi zunuban shi duka sannan Na bashi ceton kan shi.

Da zai bukaci Na bashi ceto da Na bashi ceton duk wanda ke filin Arfat din nan

Daga nan sai bawa ya roki duk abunda yake so Allah Ta'ala Zai bashi

Allah Ya bamu ikon yi Ya gafarta mana Ya kuma biya mana dukkan bukatun mu na alkhairi, ameeeeen thumma ameeeeen

𝐀𝐌𝐒𝐀❗️

Wa alaikumussalam warahmatullahi wabarakatuhu

Wannan sako da ke yawo yana ɗauke da hadisi mai rauni sosai (Dha'if) ko kuma wanda aka kirkira (Maudu'), saboda haka bashi da inganci a cikin addinin Musulunci. Ko da yake yin zikiri, karatun Alkur'ani, da salatin Annabi abubuwa ne masu kyau a ranar Arfa, ƙayyade wannan lissafin (100-100) da lafazin cewa mutum zai iya "tsayuwar Arfa a gida" bashi da asali a sahihan hadisai.

Masanan hadisi (kamar su Imam al-Bayhaƙi da Dhahabi) sun bayyana cewa hadisin da ke magana akan karanta Suratul Ikhlas sau 100, Tahlil sau 100, da Salati sau 100 a ranar Arfa ga wanda baya filin Arfa, hadisi ne da ke cike da rauni kuma ba zai kafu a matsayin hujja ba.

Kalmar "Za ku iya tsayuwar Arfat a gidajen ku" kuskure ne na fahimta. Tsayuwar Arfa (Wuƙuf) tana guda ne kawai ga mahajjata da ke can filin Arfa na kasar Makka. Wanda ke gida baya tsayuwar Arfa, sai dai yana iya koyi da su ta ɓangaren yawaita addu'a da zikiri a garinsu.

Maimakon dogara da hadisai marasa inganci, ga abubuwan da Manzon Allah (Sallallahu Alaihi Wasallam) ya kwadaitar damu mu yi na inganci:

1. AZUMIN RANAR ARFA: Wannan shi ne babban aiki ga wanda baya aikin Hajji. Manzon Allah (Sallallahu Alaihi Wasallam) ya ce azumin ranar Arfa yana kankare zunuban shekarar da ta gabata da shekarar da ke tafe.

2. FADAR MAFI ALHERIN ADDU'A: Maimakon iyakance lissafi a kan abubuwan da hadisin rauni ya kawo, Manzon Allah (Sallallahu Alaihi Wasallam) ya ce mafi alherin abin da shi da annabawa da suka gabace shi suka fada a ranar Arfa shi ne:

"LA'ILAHA ILLALLAHU WAHDAHU LA SHARIKA LAHU, LAHUL MULKU WALAHUL HAMDU WAHUWA ALA KULLI SHAY'IN ƘADIR."

Zaka iya fadin wannan ba tare da iyakancewa a kan lissafi guda 100 ba, sai dai yawaitawa gwargwadon iko.

3. YAWAITA ZIKIRI NA GABA ƊAYA: Kamar SUBHANALLAH, ALHAMDULILLAH, ALLAHU AKBAR, da Yawaita addu’a da istigfari da karatun Alƙur’ani da Salatin Annabi (Sallallahu Alaihi Wasallam) da Sadaƙa da sauran ayyukan alkhairi.

Ya gafarta mana zunubanmu, Ya sa mu dace da rahamarsa da aljannarsa. Ameen.

WALLAHU A'ALAM

Zauren Fatawoyi Bisa Alkur'ani Da Sunnah. Ku kasance damu cikin wannan group domin Fadakarwa...

ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ

WALLAHU A'ALAM.

https://t.me/TambayaDaAnsa

𝐖𝐇𝐀𝐓𝐒𝐀𝐏𝐏👇

https://whatsapp.com/channel/0029VaA8YpB42DcZdoRuCj3G

𝐅𝐀𝐂𝐄𝐁𝐎𝐎𝐊👇

Https://www.facebook.com/groups/336629807654177

**************************

Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.