Shawarar Zama Da Miji

𝐓𝐀𝐌𝐁𝐀𝐘𝐀❓

Wallahi sister muna zaman lafiya da mijina Lecturer ne, Kuma Wallahi an yi shedarsa tun kafin mu yi aure har bayan mun yi aure, Yanzu muna da yara. Wallahi sister wasu yara sun matsa mashi Su uku, Tun ban ganin laifinshi yanzu har ina ganin laifinshi, Innayi magana sai ya ce Wai Wallahi in kwantar da hankalina shi basu gaban shi, Da basu kiranshi in yana gida, Amma yanzu har in yana gida suna kiranshi.

𝐀𝐌𝐒𝐀❗

Babbar shawarar da zan baki, ki maida kanki yar siyasar dole, da toshe kunnuwanki daga ababen da za ki jiyo game da shi, sannan ki kauda idonki daga mu'amalarshi da wasu mata, amma idan kun kebe a lokacin da kuke cikin nishadi kiyi masa nasiha mai ratsa zucia hadi da kafa mashi hujjoji akan azabar Allah ko kuma lurar da shi ba zai so ayiwa yarshi haka ba, da kuma ce mashi kada ya ba ta image ɗin shi domin bai san mukamin da zai samu nan gaba ba. da sauran maganganun lallashi da cewa; haba masoyina! Don kai kadai nake zaune gidan nan, kaine kake mallakar dukkanin albarkatun jikina, ka riga ka sabar mini da kanka wanda ba ni iya rayuwa da waninka shin idan ka barni ka juya ga wasu ni kuma inje gawa? Ya zan yi da tsananin kaunarka, sai ki fashe mashi da kukan kissa har da ɗan guntun hawayenki da sheshshekar cikin rada cikin soft-tune voice-bedroom voicing. ki ɗan ja lokaci cikin wannan yanayin, tukun daga baya ki zura halshenki a kunnen shi a sannu da sarrafawa hadi da sanda da tande dukkan kursali da lokon kunnen! Idan ke gwanar iya jan hakalice da wasanni sai ki zarce da hukuntar da dukkanin gabar da ke tsokano shi. da sauran su, wanda hakan ba zai yiwu ba sai kin fahimci waye ke din? A fagen hali, kyau-kyakkyawa matsakaicia-mumuna, tsarin dabi'a ta tsarbatar jiki, abinci da muhalli. Ta yanda tsaki tsara kulliyar da za ta karbe sifarki da tsarinki

Meye babban kalubalen da jikinki yake fuskanta ga mijinki cikin rayuwar auratayyar ku domin ki magance da ababen da suka dace, kamar: Rashin gamsar da mijinki sakamakon baki da test-dandano na ni'imar kasanki, ko fatarki, ko lafuzzan da kike amfani da su ba akan kaidar yanayin mood ɗin da yake ciki ba ne kuma kin rasa yadda zakiyi, ko rashin iya sarrafa sassan jikinki domin ki kayatar da shi da cire mashi kewa, ko kuma rashin iya wasannin gamsar da miji a lokacin haila, jinin haihuwa da sauransu, ko rashin iya saukar da fushin miji, rashin iya muamala da 'yan'uwan shi, ko rashin hakurin huldar shi da matan waje. Da sauran matsalin auratayya

Ki tantance da fahimtar dalilin shan maganin mata, sannan da wane gurbin ya kama ki sha? Akasarin maganin mata na turawa gubace, mata ku maida hankalinku ga na tsirran da Allah Ya albarkacemu da su. Ya wanda bashi a daidai yake umurta ga daidai? Daidaita ga daidai sai dawowa ga albarkatun Ubangijin daidai da Yake hunkunta Daidai! Kashendinku da la'anannu, tsinannu, birai, jakai, kurame, bebaye, makafi. ba sa juyowa ga addinin Allah, basu shiryu ba balantana su shiryar.

Ki karfafa kanki da neman ilimi, saurarar wa'azin salaf, karance karancen ingantattun fadakarwa a media ta hanyar files, audio, vedio, and pics, ba gubatacci ba domin garin banza ga farau faran banza yake tafiya.

Mu'amalantar kamshi dolene a rayuwar auratayya, hadi da sanin makamar kamshi a mizanin kimiyya domin kada ya cutar da ke da cutuka masu kaiki lahira a wahalce, kamar cancer.

A fannin upgrading ni'imaarki, me ya kamata ki ci ki sha kiyi tsarkin zuciya da harshenki, da samanki da kasanki, da sauran sasanin jikinki. Wanda dole kisa wa'yannan a mizanin aiki da aiwatar wa, wanda zai mayar da ke mace son kowa, nagartacciya a idon mijinki da sauran jama'a.

Ki koyi mallakar zuciyar ki a ya yin fushi, don ki dabbaƙa dabi'u masu kyau, wanda zai shimfida maki kyakkyawan yanayi a rayuwar auratayyarki da mijinki da danginshi, da matan waje.

Ki koyi rike sirrin rayuwar auratayyarki da neman shawara daga nagartaccin mutanen da kika fahimci nagartarsu, da nagartaccin groups na addinin musulunci.

Ki muamalarci ibadu da kyautatawa, da mayar da addu'a tamkar ruwan shanki wanda haka ba ta yiwuwa sai kin daze dukkanin kalle kallen banza da shan inuwa da kasala, da amfani da social media ta hanyar neman ilimi da dogewa akan dabbaƙa ilimin gwargwadon iyawarki. Wanda dukkanin wa'yannan za su taru su shinfida maki nutsuwa a duniya da lahira idan an tsarkake niyya.

Kiyi kokari ki zama mai tanadi ababen da suke da muhimmanci, kamar; kuricia, lafia, lokaci, karfi domin amfaneki kamin su kubuce maki, don haka yadda ki haihu tun da yarintarki wanda a lokacinne mijinki ke da lokacinki, a lokacin da mijin ya yi maki nisa 'yayan za su cire maki kewa, wanda ta hankanne ne da ke da mijin za ku yi wa juna adalci. Allah ya sa mu dace da rahmar Ubangiji a duniya da lahira.

WALLAHU A'ALAM

Zauren Fatawoyi Bisa Alkur'ani Da Sunnah. Ku kasance damu cikin wannan group domin Fadakarwa...

ƘARIN BAYANI

SHAWARWARI DA MATAKAI GA MACE MAI FUSKANTAR ƘALUBALEN MATA A WAJEN MIJINTA

Tambaya

Assalamu Alaikum. Ina zaune lafiya da mijina wanda malamin jami'a (Lecturer) ne, kuma kowa yana yaba halinsa. Amma yanzu wasu 'yan mata su uku sun addabe shi da kira, har idan yana gida ma suna kiransa. Idan na yi magana sai ya ce mini in kwantar da hankalina ba su gaban sa. Malam, wace shawara za a ba ni don kiyaye gidana da kwanciyar hankalina?

Amsa

Wa'alaikumus Salám wa Rahmatullāh. Wannan yanayi ne da yake buƙatar hikima, haƙuri, da kuma mayar da hankali ga Allah (S.W.T). Matsayinki na matar aure yana buƙatar ki zama mai basira wajen jan hankalin mijinki zuwa ga abin da yake daidai ba tare da tada tarzoma da za ta iya ruguza muku farin ciki ba.

1. Haƙuri Da Kau da Kai (Al-Sabr wal-Ighda)

Babban makamin mace a gidan miji shi ne haƙuri. Allah Ya yi alkawarin sakamako mai girma ga masu haƙuri. Idan kika nuna fushi ko hargagi a duk lokacin da aka kira shi, hakan na iya tura shi kusa da su don neman natsuwa.

Hujja daga Qur'ani (Suratun Nahl):

 ﴿وَاصْبِرْ وَمَا صَبْرُكَ إِلَّا بِاللَّهِ ۚ وَلَا تَحْزَنْ عَلَيْهِمْ وَلَا تَكُ فِي ضَيْقٍ مِّمَّا يَمْكُرُونَ﴾

Fassarar Hausa: "Kuma ka yi haƙuri, kuma haƙurinka ba zai kasance ba sai da (taimakon) Allah. Kuma kada ka yi baƙin ciki a kansu, kuma kada ka kasance a cikin ƙunci daga abin da suke ƙulla na makirci." (Suratun Nahl: 127).

2. Jan Hankali Cikin Soyayya (Al-Mau'iza bil-Lutf)

Maimakon yin faɗa lokacin da kuke cikin fushi, ki zaɓi lokacin da kuke cikin nishadi da shauƙi, ki gaya masa kalaman lallashi. Ki nuna masa cewa matsayinsa a idon ɗalibansa da sauran mutane babban jari ne da bai kamata ya tozarta shi ba.

Hujja daga Qur'ani (Suratul Nahl):

 ﴿ادْعُ إِلَىٰ سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ ۖ وَجَادِلْهُم بِالَّتِي هِيَ أَحْسَنُ﴾

Fassarar Hausa: "Ka yi kira zuwa ga hanyar Ubangijinka da hikima da wa'azi mai kyau, kuma ka yi muhawara da su da (hanyar) da take ita ce mafi kyautatawa." (Suratun Nahl: 125).

3. Kwalliya Da Kyautatawa (Al-Zinah wal-Ihsan)

Dole ne mace ta zama mai lura da kanta, ƙamshinta, da tsaftar gidanta. Ki zama ke ce natsuwar mijinki (Sakan). Idan ya shigo gida ya same ki cikin annashuwa da kwalliyar da take tafiyar da hankalinsa, hakan zai sanya wadancan kiran wayar su zama masa takura maimakon nishadi.

Hujja daga Hadisi:

 عَنْ أَبِي هُرَيْرَةَ رَضِيَ اللهُ عَنْهُ قَالَ: قِيلَ لِرَسُولِ اللهِ صَلَّى اللهُ عَلَيْهِ وَسَلَّمَ: أَيُّ النِّسَاءِ خَيْرٌ؟ قَالَ: «الَّتِي تَسُرُّهُ إِذَا نَظَرَ، وَتُطِيعُهُ إِذَا أَمَرَ»

Fassarar Hausa: An tambayi Manzon Allah (S.A.W): "Wace mace ce mafi alheri?" Sai ya ce: "Ita ce wadda take sa shi farin ciki idan ya kalle ta (saboda kwalliyarta da annashuwarta), kuma take yi masa biyayya idan ya yi umurni." (Sunan al-Nasa'i: 3231).

4. Riko Da Addu'a (Al-Du'a)

Addu'a ita ce makamin mumini. Ki dage da roƙon Allah Ya karkato da zuciyar mijinki gare ki, Ya kuma kare shi daga fitinar mata.

Hujja daga Qur'ani (Suratul Furqan):

 ﴿رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا﴾

Fassarar Hausa: "Ubangijinmu! Ka ba mu daga matanmu da zuri'armu abin farin cikin idanu, kuma Ka sanya mu shugabanni ga masu tsoron Allah." (Suratul Furqan: 74).

Kammalawa Da Nasiha

• Kada ki zama mai binciken wayarsa: Binciken waya yana rage natsuwa kuma yana haifar da zargi wanda Shari'a ta hana.

• Kiyaye sirrin gidanki: Kada ki riƙa kai ƙarar mijinki ga kowa, sai dai ga wanda kika amince da iliminsa da addininsa don neman shawara.

• Ilimi Da Dogaro Ga Allah: Ki shagaltar da kanki da neman ilimi da saurare wa'azozi, hakan zai ƙara miki daraja a idon mijinki.

Allah Ya sanya natsuwa da albarka a cikin aurenku, Ya kare mijinki daga dukkan fitina.

ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ

WALLAHU A'ALAM.

https://t.me/TambayaDaAnsa

𝐖𝐇𝐀𝐓𝐒𝐀𝐏𝐏👇

https://whatsapp.com/channel/0029VaA8YpB42DcZdoRuCj3G

𝐅𝐀𝐂𝐄𝐁𝐎𝐎𝐊👇

Https://www.facebook.com/groups/336629807654177

**************************

Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.