Tambaya da Amsa daga Dr. Aliyu Muhd Sani
Ana samun ta'addanci ne daga masu Guluwwi da wuce iyaka wajen girmama Shari'a, a sakamakon wauta da jahilci.
To su kuma 'Yan Darikun
Sufaye, girmama Shari'a yana da rauni matuka a wajensu, ko a ce: kwata - kwata
babu shi a wajen galibinsu, tare da yawan jahilcin da yake cikinsu. Wannan ya
sa ba za a samu Guluwwi a cikinsu ba, saboda Guluwwi ana samunsa ne a wajen mai
girmama Shari'a.
Abin da ake samu a cikin
Sufaye shi ne sakaci da jafa'i ga Shari'a, da kuma son rayuwar Duniya da jefar
da Shari'a. Shi ya sa aiyukan alfasha ba wani abin tsoro ba ne a wajensu.
Wannan ya sa a cikinsu aka fi samun Zindikai 'Yan Boko Aqida, masu fada da Shari'a,
har ake samun Mulhidai 'Yan Ittihadi, wadanda aka fi sani da 'Yan Hakika ko
'Yan Faira masu zagin Allah, su allantar da kowa da komai.
Sa'annan kuma mai girmama
Shari'a ne yake aikin hani ga mummunan aiki, amma su kuma Sufaye, a wajensu da
zarar mutum ya ce: "La ilaha illal Lah", wato ya fadi Kalmar Shahada
to shi kenan ya tsallake, ba za a yi masa inkari ba komai girman munin kalmomin
da yake furtawa, ko munanan aiyukan da yake aikatawa, ko da kalmomi da aiyuka
ne na kafurci. Saboda haka a wannan babi su "Murji'a" ne, wadanda
suke ganin da zarar mutum ya fadi Kalmar Shahada to babu abin da zai cutar da
imaninsa.
Saboda haka, wanda komai da
yake ko'ina shi ne Allansa har da kare da alade, yaushe zai girmama Shari'ar
Allah Mahalicci da ya daukaka a saman dukkan halittunsa?!
Kuma ta yaya wanda bai
girmama Allah Maudakaki ba, zai girmama Shari'arsa, har ya yi guluwwi a cikin
Shari'ar ya zama Dan Ta'adda?!
Saboda haka, 'Yan Ta'adda su
ne jahilan masu girmama Shari'a, masu guluwwi da wuce gona da iri saboda
jahilci, su kuma 'Yan Darikun Sufaye ba a sa su cikin masu girmama Shari'a, shi
ya sa ba za a samu Guluwwi a kan Shari'a a wajensu ba, balle a samu 'Yan
Ta'adda a cikinsu.
Don haka masu dangantuwa ga
Musulunci sun kasu kashi uku game da Shari'a:
1- Masu guluwwi wajen
girmama Shari'ar saboda jahilci, su ne 'Yan Ta'adda.
2- Masu Jafa'i ga Shari'ar,
su ne Sufaye da Zindikai da Mulhidai.
3- Matsakaita, wadanda ba sa
jafa'i ma Shari'ar, suna girmamata bisa ilimi da basira da hikima, ba tare da
guluwwi ba.
Dr. Aliyu Muh'd Sani (H)
Daga zauren Dr. Aliyu Muhammad Sani
0 Comments
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.