Waɗannan jerin kare-karen magana ne da kuma wasu salon magana na Hausawa waɗanda suke magana dangane da nakasa da kuma nakasassu. Sun shafi nau’ukan nakasa da nakasassu irin su kuturu da kuturta, makaho da makanta, gurgu da gurgunta, bebe da bebanta/bebantaka, da dai sauransu.
1. A bar ta makaho a kama mai ido
2. A ja mu a kai mu an ba uwar makaho kashi
3. A kai Ladan gidan maza kurma ya ci sarauta
4. A kawo ɗauki ɗaki ya faɗa wa gurguwa
5. A saɓa a rufe dambun mahaukaciya
6. A taru a kashe mahaukacin kare
7. A yi abin da za a yi mahaukaci ya ɗauki rigar kurma
8. A zo dai, a zo dai ɗaki ya danne gurguwa
9. Abin ba daɗi, wai mahaukaci ya ci kashi
10. Abin da kamar wuya gurguwa da auren nesa
11. Abin faɗa na mai baki ne bebe sai ka dangana
12. Abin wani abu ne, faɗan makaho da daddare
13. Abu ɗaya na mutum ɗaya ne, goriba da kuturu
14. Aikin banza makaho da waiwaye
15. Aku kuturu
16. Allah ba ya tauye banza
17. Allah ka gyara tuwon makauniya ba don tana ganinsa ba
18. Allah na gani ake cutar makaho
19. Allah shi ya san karatun bebe
20. An ci gari da shi ya kama kuturun Bawa
21. An ci yaƙi an bar shi da kuturun bawa
22. Ana hauka ya ƙare kana saran turu
23. Aradu mai ɗima kurma
24. Ba a rarrabewa da barcin makaho
25. Ba a yabon ɗan kuturu sai ya shekara da yatsu
26. Ba don tsoron Allah ba, kashin makaho da dare ba wuya
27. Ba ji ba gani auren kurma da makaho
28. Ba ka iya cin ƙawan makauniya
29. Ba kanta ɗan sanda ba ido
30. Ba nakasasshe sai kasasshe
31. Ba shigar ba fitar an bai mahaukaci riƙon gari
32. Bakin rijiya ba wajen wasan makaho ba ne
33. Ban ga alamu ba, an ce kuturu Allah ya sa ka wanye
lafiya
34. Ban san zancen ba an kai bebe ƙara
35. Banza a banza an sa kuturu ɓallar jaki
36. Banza girman mahaukaci ƙaramin mai hankali ya fi shi.
37. Bari mu ji ɗumi wai mahaukaciya ta yi gobara
38. Cikar mahaukaci duka
39. Cin makauniyar kasuwa
40. Da babban mahaukaci gara ƙaramin mai hankali
41. Da haka muka fara wai kuturu ya ga mai ƙyasfi
42. Da kamar wuya gurguwa da auren nesa
43. Da wari an ce da makaho ga ido
44. Damben kuturu ba a naɗi
45. Dan ma kai ne, mahaukaci ya kashe ubansa.
46. Dare mahutar bawa, makaho ya ce tufkar fa
47. Dariyar darara kuturu dara makaho
48. Dashen makauniya
49. Don gaskiyar makaho ka cacar dare don in ya ci a ba shi
50. Duk abin ɗaya ne mai ido ɗaya ya leƙa shantu.
51. Duk kuturun da ya riƙa ai ba ya jin magani
52. Duk wanda aka gan shi da madubi a kama shi, wai makaho
ya zama gwamna.
53. Duk wanda ba ya gane haukan mahaukaci shi ma mahaukaci
ne
54. Duk ɗaya makafi sun yi dare
55. Fara’a kamar an ba kurma riga
56. Faɗa da kurma ba ya ƙarewa
57. Ga wani bawan Allah damo ya ga makaho
58. Gane min hanya wai makaho ya so tsegumi
59. Gayyar makaho mai nishi ka sha gari
60. Gida mahaukacin kare mai cizo
61. Gobe juma’a kuturu dariya yake
62. Gudu a kunya ba na gwami ba ne
63. Gudu, yaro gudu, wasa na mahaukaci
64. Gurgu ba shi koya gurgu tafiya
65. Gurgu ka fi mai ƙafa ban haushi
66. Gurgu ka fi mai ƙafa iya rakace/iya shege
67. Gurgun mage tashin ɗangalau
68. Gurguwar dabara
69. Gurguwar shawara
70. Gurguwar tsanya da wuri take fara rami
71. Gurguwar tsanya da wuri take fara rarrafe
72. Gurrgu yana zaune ake sarar sandar dukan sa.
73. Gwami na yi wa mai cassa gori
74. Hannu da hannu cinikin makaho
75. Hannunka mai sanda
76. Har ka tuna min an ce da mahaukaci ba ya duka
77. Hauka da naɗe-naɗe ɗan wake ya ga tubani
78. Hauka maganinka Allah
79. Hauka maganinka Allah
80. Haukan kaza auran muzuru
81. Idan ka ji makaho ya ce a yi wasan jifa, to ya taka
dutse ne
82. Idan zuciya ta makance to gani ido bai yi fa’ida ba
83. In ka ga kurma na gudu, ka fi shi gudu don shi gani ya
yi ba ji ba
84. In ka ji makaho ya ce a yi wasan jifa to ya taka dutse.
85. Ina ruwan makaho da kunya
86. Ina ruwan wani da wani mahaukaci ya ga ubansa da kaya.
87. Kadafkara shiga akurki, ya ce hauka ko bori?
88. Kadan ba ƙarya ba kuturu ya yi dambe da mai yatsu
89. Kadan ba rigimar makaho ba, ya ya kokuwa da mai ido
90. Kadaran-kadahan ka da mai gani ya taka makaho
91. Kan uwa da wabi, makaho ya yi jifa kasuwa
92. Kanku ake ji mahaukaci ya faɗa rijiya
93. Kira kamar sabon makaho
94. Ko in kula zabi sun ga makaho
95. Komai ingancin makauniyar goɗiya, ba ta halarci gasar
sukuwa ba
96. Kowa da wurinsa, an ɗaure mai dungu ya sulle
97. Ku ci ku ke aiki an ba mai kurkunu kaɗan
98. Ku kuke gani sgaɗin makaho
99. Kunne kamar makaho
100. Kuturu ake yi wa gayya ba mai yatsu ba
101. Kuturu da kuɗinsa alakaki sai na ƙasan kwano
102. Kuturu mugun baƙo
103. Kuturu ya so dambe babu yatsu
104. Kuturwar uwa ba ki da mamora
105. Leƙa shantu biyu a lokaci guda ba na mai ido ɗaya ba ne
106. Mahaukaci da gata jagorar mai hankali.
107. Mahaukaci da kayan kanwa in ka gaji tsoma a ruwa
108. Mahaukaci da ranarsa
109. Mahaukaciyar kasuwa mayankarki gabas
110. Mai hankali ke gane ɗangyashin kwaɗo
111. Mai ido ɗaya ba ya gode Allah sai ya ga makaho
112. Mai ido ɗaya sarki ne a garin makafi
113. Mai kurman jiki ba ya rama
114. Makaho ba ya shakkar ɓatan madubi.
115. Makaho bai san ana ganinsa ba sai an dungure shi
116. Makahon birni ya fi mai ido wayo
117. Makahon kuda ga cizo
118. Me ya haɗa kuturu da zobe
119. Miskili ka fi mahaukaci ban haushi
120. Mu gamu a ka, jakin kuturu ya yi kaye
121. Mu je zuwa mahaukaci ya hau kura.
122. Mu yi hannun kuturu da makaho.
123. Muƙami bebe da radiyo
124. Muƙami kuturu a Landan
125. Mutanen kirki damo ya ga makaho
126. Na ci damben kuturu ko ba kisa zai tara jini.
127. Na ji wannan inji kurma
128. Na san a rina an saci zanen mahaukaciya.
129. Nadakama ba ka ji kira sai hoge
130. Nadakama manzonka hoge
131. Ni kallonsa nake yi wai makaho yai faɗa da matarsa
132. Ni kaɗai na sani sautin mahaukaciya
133. Ƙafar kuturu mutumcinta takalmi
134. Ƙaramin kuturu ka dajine, manya sai gwalo
135. Ƙarfe shiru da minti kakam agogon kurma
136. Ƙauri da daɗewa ba’auzani ya sayi kuturu ya ce ko yatsa
bai fito ba
137. Ƙundumbala shiga makaho kogi
138. Ƙura na kasuwa mahaukaci ya kuɓuta
139. Ƙuruci dangin hauka
140. Ƙwace goriba a hannun kuturu ai ba wuya ba ne
141. Ƙwace goriba a hannun kuturu ba wuya ba ne.
142. Rashin sani ya sa makaho ya taka sarki
143. Riƙon mahaukaci sai sarki
144. Sai inda mai ya ƙare, shiga motar mahaukaciya.
145. Samun gari kuturu gaɗa a rama
146. Santin kurma mai wuyar ganewa
147. Somin taɓi ne mahaukaciya ta mari uwarta
148. Somi-somin hauka zubar da yawu.
149. Tabarmar kunya da hauka akan naɗe.
150. Tana ciki kunamar kurma
151. Uban kuturu ya yi kaɗan
152. Ɓarin makauniya ba ya kwaso
153. Wa zai taɓa ni ya sha adda? Inji kuturu
154. Wawa ba mahaukaci ba ne in ya ci kasuwa gida zai kai
155. Wurƙilili ido ɗaya daɗin leƙa buta
156. Ɗan gurgun mage kana ganin takaicin kaji
157. Ɗan mahaukaciya,mahaukaci ne
158. Ɗan makahon doki, hawansa sai da ɗan jagora
159. Ɗan-ba-ƙara kuturu ya sa hannunsa a tukunyar naɗi
160. Ɗingishin gurgun kwaɗo a ruwa, mai hankali ke ganewa
161. Ɗinyar makaho ta nuna a hannunsa
162. Ya yi tsayuwar gwamin jaki
163. Yanzu aka fara, mahaukaciya ta shiga rawa
164. Yin ya fi rashin yi, mahaukaciya ta yi wanka da ruwan ɗan
wake
165. Zafin zuciya kamar kuturu sabon shiga.
166. Zuciya kamar sabon kuturu
0 Comments
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.