Alkalan Gasar Gajerun Labarai Ta ACR. Ahmad Musa Dangiwa (2024)

An gina Gasar Gajerun Labarai Ta ACR. Ahmad Musa Dangiwa (2024) bisa jigon 'Buri.' An zaɓo masana waɗanda aka ɗora musu nauyin duba labaran da aka tura tare da tantance su don fitar da waɗanda suka fi dacewa da wannan jigo tare da bin sauran ƙa'idoji da salailan rubuta gajerun labarai. Ga jerin alƙalan kamar haka:

Sunan shi Arc. Ahmed Musa Dangiwa Ministan Gidaje da Tsara Birane na Najeriya. Shugaba kuma jagora sannan mu'asasi na Gidauniyar Adabi ta Dangiwa.

Haifaffen garin Kankiya ne, a Jihar Katsina. Ya yi karatun firamare a garin Katsina da Kankiya da Bindawa da Malumfashi. Ya yi makarantar sakandire a Makarantar tunawa da Sardauna (Sardauna Memorial Callege) Ya halarci makarantar share fagen shiga jami’a (CAS Zaria) daga bisani ya shiga Jami’ar Ahmadu Bello Zaria inda ya samu digirinsa na farko a fannin kimiyyar zane da tsara gidaje (Bsc Architectural Science).

Daga baya ya sake komawa Jami'ar ABU ya samu shaidai kammala karatun digiri na biyu (Msc).

Yayi bautar kasa a Jihar Cross Rivers dake kudancin Nijeriya. Ya yi aikin gwamnati na dan takaitaccen wa’adi a shekarar 1988 inda yayi koyarwa a kwalejin kimiyya da fasaha ta Hassan Usman Katsina(HUK Poly), da kuma ma’aikatar lafiya ta Jihar Katsina.

Ya bar aikin gwamnati ya tsunduma aiki da kamfanoni masu zaman kansu.

Daga bisani ya kafa nasa kamfani mai suna AM Consult Wanda a karkashinsa ya gudanar da ayyuka masu dunbin yawa a fadin Nijeriya.

Ya shigo siyasa a shekarar 2003 a karkashin jamiyyyar ANPP. Yayi takara a matakai daban-daban

Yana daya daga cikin mambobin kwamitin rukon kwaryar jamiyyyar CPC na jihar Katsina da uwar jam’iyyyar ta kasa ta turo karkashin kantoman ruko Faruk Adamu Aliyu. Shi ne shugaban Jam’iyyyar APC na farko na jihar Katsina. Ya rike mukamin Manajin Darkta na Bankin Bayar da Lamunin Gina Gidaje na kasa karkashin gwamnatin Shugaba Buhari daga 2017 -2022.

Shi ne tsohon sakataren gwamnatin jihar Katsina daga ranar 31 ga watan Mayu 2023 har zuwa 27 ga watan Yuni da aka aika sunanshi a matsayin wanda za a tantance mukamin Minista daga jihar Katsina.

Mu na tare da shi a wannan zaure da za a gabatar da bitar gasar gajerun Labarai ta 2024.

Sunan shi Mal. Yazid Abdul'azi (Nasudan) shi ne shugaban kwamitin shirya wannan gasa.

Yana da digiri kan harshen Turanci, sannan yayi digiri na biyu kan Sadarwa da Isar da saķo. Marubuci ne kuma manazarci. Kazalika mai fashin baƙi ne kan matsalolin da ke damun al'umma da samar da makoma nagartacciya, ɗaya ne daga cikin uwayen Ƙungiyar Marubuta ta jihar Katsina.

Ya yi alkalanci a mabambata gasar adabi da ake shiryawa. Fasihi ne kuma jajirtacce wajen bunkasa adabi da son cigaban sa.

Sunanta Malama Halima Ahmad Matazu

Ta yi digiri na ɗaya da na biyu a ɓangaren harshen Hausa.  Marubuciya ce ta gwadawa a allon majigi, ita ta rubuta littafin Amon 'Yanci wanda ya yi shuhura kuma yake cikin yi a fagen nazari a manyan makarantun ƙasar nan.

Ta jagoranci alƙalanci da yawa a manya gasar rubutun adabi da aka yi a baya, kamar gasar Gusau Institute da gasar Dangiwa ta 2020 da sauransu.

Tana bisa hanyarta na samun digiri na uku a ɗaya daga cikin jami'o'in ƙasashen Yammacin duniya.

Malama ce a sashen nazarin harsunan Nijeriya a Jami'ar NOUN.

Sunan shi Mal. Abubakar A'mustapha Yar'adua

Ya yi digiri na ɗaya da ba biyu a ɓangaren addinin Musulunci, sannan yana bisa hanyar kammala digiri na uku a ɓangaren.

Marubuci ne shadidan kuma manazarci ne da yake kallon zamantakewar al'umma a cikin adabinsu da addininsu.

Shi ne shugaban ƙungiyar Marubuta ta jihar Katsina baki ɗaya.

Magatakarda ne a Kwalejin Karatu mai zurfi ta Pleasant Library da ke Katsina.

Ya rubuta litattafai da dama.

Sunan shi Mal. Mujahid Abdullahi

Yana da digiri na ɗaya da na biyu a ɓangaren harshen Hausa. Yana kuma bisa hanyar kammala digiri na uku a fagen.

Manazarci ne na zuwa gaban sarki. Shi ne sahabi na farko da ya fara daddage gajerun labaran Hausa a Afrika ta Yamma baki ɗaya. Sannan marubuci ne da ya samar da litattafan wasan kwaikwayo guda biyu.

Malami ne a sashen Nazarin Harsuna Nijeriya Harsuna a Jami'ar Jihar Kaduna (KASU). Ya yi aiki sosai kan tacewa da samar da litattafai da dama na gasa, kamar littafin Dambarwar Siyasa da Furen Ƙarya da Ɗaukar Jinka da Muhalli, Sutura da sauransu da dama.

Malama Nabilah Ibrahim Khalil marubuciya kuma 'yarjarida, malama mai fàɗakarwa a kan matsalolin zamantakewa da ilimi da lafiya da mu'amala. Ta samu digirinta na farko a kan fannin Kimiyyar Kula da Ɗakunan Karatu ( Library Science) daga jamiar Bayero, Kano.

Nabila yar asalin jihar Katsina ce, kuma tana rubutu a cikin harsunan Ingilishi da Hausa, ta rubuta litattafai da dama da suka hada Masoyi Zaki da Sha'awa Romon ma'aurata da Tangles in the Heart da Burin Masoya Aure da Labarin Rayuwa da dai sauransu da dama, wasu sun fito wasu na kan hanya.

Nabila ta yi aiki da mujallar Film a baya, da Leadership, haka kuma ta kwashe shekaru sama da 10 tana rubutu tare da amsa tambayoyin masu karatu a kan zamantakewa a shafin Duniyar Ma'aurata na Jaridar Aminiya.

A yanzu haka tana gudanar aikin (Counselling) ta hanyar shafukanta na sada zumunta.

Sunanta Hadiza Idris ta yi digiri na daya a Jami'ara Ahmadu Bello Zaria sai na biyu a jami'ar Umaru Musa Yar'adua Katsina yanzu haka tana kan hanyar kammala digirinta  na uku a jami'ar Bayero da ke Kano duk a bangaren nazarin Harshen Hausa.

Malama ce a sashen Nazarin Harsunan Nijeriya a Jami'ar Umaru Musa Yar'adua dake Katsina inda ta ke koyar da adabi. Digirinta na biyu ta samu kwarewa a bangaren nazarin zube da sauya shi zuwa fasalin wasan kwaikwayo.

Ta na daya daga cikin alkalai na kotin koli na wannan gasar, wanda yanzu haka ta kammala aikinta. Muna mata fatan alheri.

Sunansa Alamuna Nuhu Ph.D. Malami ne a sashen koyar da harnunan Nijeriya da kimiyar harshe na Jami'ar Jihar Kaduna. Ya yi digirinsa na daya da na biyu da na uku a Jami'ar Usman Danfodio da ke Sokoto kan adabi da al'adu. Ya na da kwarewa da bin diddiki kan abinda ya shafi labaran Dauri da kalailaice kan ka'idojin rubutun Hausa. 

Ya kasance daya daga cikin alkalan koli na wannan gasa. Ya zuwa yanzu ya kammala aikinsa cikin nasara.

Muna masa godiya da fatan alheri.

In sha Allah  nan da wasu kwanaki sakamakon labaran da suka samu nasara zai bayyana.

Ma sha Allahu, yau Laraba 31 ga Okutoba 2024 kwamitin shirya wannan gasa ta Arc. Ahmed Musa Dangiwa Literary Competition 2024 ya samu damar ganawa da Maigirma Ministan Ma'aikatar Gidaje.ta Tarayyar Najeriya Arc. Ahmed Musa Dangiwa ( Jarman Kankia) Wanda Kuma shi ne yake daukar nauyin wannan gasa.

Wakilan kwamitin su yi ganawa mai tsawo tare da mika masa rohoton wannan gasa ta 2024 tun daga farko har zuwa inda ake yanzu. 

Muna godiya da irin hadin kan da kuke bamu.