5.16 Noti-Noti
Wannan wasa ne da yake da zubi da tsari da kuma sakamako irin na wasan jini da jini. Abin da ya bambanta su kawai shi ne waƙar da ke cikin wasannin biyu. Sai dai jini da jini ana ƙoƙarin bambance abubuwa masu jini a jiki da marasa jini a jiki ne. Wasan noti-noti kuwa ya karkata ne zuwa ga bambance abubuwan da suke da noti a jikinsu da kuma waɗanda ba su da noti.
Waƙar wasar noti-noti ita ce kamar haka:
Bayarwa: Noti-noti,
Amshi: Gulum noti!
Bayarwa: Mashin noti,
Amshi: Gulum noti!
Bayarwa: Mota noti,
Amshi: Gulum noti!
Bayarwa: Keke noti,
Amshi: Gulum noti!
Bayarwa: Inji noti,
Amshi: Gulum noti!
Bayarwa: Jirgi noti,
Amshi: Gulum noti!
Bayarwa: Akuya noti,
Amshi: Gulum babu!
Duk wanda ya ambaci noti a abin da ba ya ɗauke da noti to ya faɗi. Haka ma wanda ya nuna babu noti a jikin wani abu alhali yana da shi. Sakamakon wannan wasa da kuma amfaninsa daidai ne da na jini da jini kamar yadda aka kawo a sama.
Citation: Sani, A-U. & Gobir, Y.A. (2021). Wasanni a Ƙasar Hausa. Kaduna: Amal Printing & Publishing Nigerian LTD. ISBN: 978-978-59094-1-8.
0 Comments
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.