Citation: Gobir, Y.A. & Sani, A-U. (2021). Waƙoƙin Hausa Na Gargajiya. Kaduna: Amal Printing & Publishing Nigerian LTD. ISBN: 978-978-59094-0-01.
4.2 Ayyaraye
Wannan ma waƙa ce da akan rera yayin da ake kan hanyar raka amarya ɗakin angonta. Ɗaya daga cikin masu rakiyar za ta riƙa bayarwa, saura kuwa suna amshi. Ga yadda waƙar take:
Bayarwa: Ayyaraye nanaye,
Amshi: Wa aka yaye?
Bayarwa: Sadiya,
Amshi: Wa za a kai wa?
Bayarwa: Amadu,
Amshi: Ayyuriri mu yi guɗa.
Bayarwa: An yaye, an yaye,
Amshi: Eh, an yaye.
Bayarwa: Shekaranjiya,
Amshi: Wa aka yaye?
Bayarwa: Sadiya,
Ko ba ta kai ba?
Amshi: Ayyuriri,
Ta kai,
Wa aka bai wa?
Bayarwa: Amadu,
Ko ba ku bayar ba?
Amshi: Mun bayar.
Bayarwa: Mun ba shi har ga Allah,
Amshi: Mun bayar,
Ayyaraye nanaye.
Haƙiƙa wannan waƙa tana bayyana sunan ma’aurata ga sauran jama’ar gari, musamman waɗanda ke kan hanyar da masu raka amarya ke wucewa. Wannan kuwa na faruwa ne kasancewar waƙar na bayyana sunan ma’auratan ƙarara.
){kind=link}
0 Comments
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.