Citation: Gobir, Y.A. & Sani, A-U. (2021). Waƙoƙin Hausa Na Gargajiya. Kaduna: Amal Printing & Publishing Nigerian LTD. ISBN: 978-978-59094-0-01.
3.4.2 Ta Yi Kitsonta
Wannan waƙa ma mai kitso ne ke rerawa yayin da take yi wa wata kitso. Makitsa sun fi rera wannan waƙa yayin da suke yi wa ƙananan yara kitso. Ga yadda waƙar take:
Ta yi kitsonta,
Beru tai saƙarta.
Ta sai ɗan zanen ɗaurawa,
Ta fita.
Wagga Agola,
Ta zo ta ɗauke shi.
Wagga Agola,
Ko kitso ba ta iyawa.
Wagga Agola,
Ai babu irinta,
Baƙar Agola,
Ta hana mata sauran zanensu.
Ke dai Beru,
Zanka kitsonki.
Idan aka lura da saƙon da waƙar ke ɗauke da shi, za a ga cewa Makitsiya kamar rarrashi ko lallaɓa take yi ga wadda take yi wa kitso. Makitsiyar na yabon Beru da cewa ta yi kitso tsaf-tsaf, kuma ba ta neman fitana, sai ma takalar ta da ake yi da faɗa. Kuma take ba ta shawara da ci gaba da zama lafiya tare da yin kwalliyarta (kitso) ta rabu da mai takalar ta faɗa (Agola).
){kind=link}
0 Comments
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.