Citation: Gobir, Y.A. & Sani, A-U. (2021). Waƙoƙin Hausa Na Gargajiya. Kaduna: Amal Printing & Publishing Nigerian LTD. ISBN: 978-978-59094-0-01.
3.4.1 Mai Kitso
Wannan waƙa mai kitso ke rera ta yayin da take yi wa wata kitso. Ga yadda waƙar take.
Mai kitso ‘yar salama.
Ka da mata ki taushe.
Ke ka da mata ki kalmoshe.
Ko da gidan mai gari ne.
Ko ko gidan talakawa ne.
Shige ki wa mata kitso.
Don kuma maigida yak kire ki.
Kuma mata sun kire ki.
Babu halin shari’a.
A cikin wannan waƙa, makitsiya tana kurara ƙarfin ikonta a fannin kitso. Tana nuna cewa, ita ke da ikon yin yadda ta so da kan wadda take yi wa kitso, ko da kuwa mai mulki ce ko tana da ƙarfin faɗa a ji a cikin al’umma. Wato dai waƙar na nuna hoton yadda mai kitso ke jujjuya kan wadda take yi wa kitso. Wadda ake mata kitson kuwa dole ta bi umarnin mai kitson domin burinta kawai a kammala cikin nasara kuma ya yi kyau.
){kind=link}
0 Comments
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.