1. Kwanaki na mana gwalo,
Wasu na shagali da murna.
2. Ga ƙasa na ambatonmu,
Mun shagalta da cin amana.
3. Ga shi ba ta ma sanarwa,
Mutuwa, balle mu auna.
4. Kuma ba ta ƙara loto,
In ta zo balle mu zauna.
5. Kwanaki na yaudararmu,
Ga shi babu zaman lumana.
6. Duniyar nan babu tabbas,
Ko da me ja kan batuna?
7. Sai ka wayi gari cikinmu,
Yamma ba kai in ka auna.
8. Wasu sai ko a tashi ba su,
Haihuwarsu ta zo da ƙuna.
9. Daga nan sun ɗauki layi,
Kwanakinsu a nan ya zana.
10. Tun ana ɗan baka mama,
Har ka girma ka je Madina.
11. Sai batun aure ya taso,
Sai ka auri ɗiyar Amina.
12. Shekara kafin ta dawo,
Haihuwa ce har da suna.
13. Daga nan ka zama Baba,
Sai iyalai duk su baina.
14. Sai ko tsufa ta rufe ka,
Daga nan mutuwa ka auna.
15. Kwanaki sun baka dama,
Sai abin da kayo a duna.
16. Ihiwani ƙwarai mu farka,
Kwanaki tafiya da rana.
17. Allah ba mu sa'a gaba ɗai,
Duk mu ɗunguma can a aljanna.
Ta
Mohammed Bala Garba
23 July, 2022.
Sabuntawa
29 March, 2023.
0 Comments
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.