Hukuncin Kara Wa Amarya Yawan Kwanaki, Saboda Honey Moon

𝐓𝐀𝐌𝐁𝐀𝐘𝐀❓

Assalamu alaikum malam Tambaya meye hukuncin mutumin da yana da mata sai ya yi amarya sai ya yi mata visa suka tafi wata kasa wata ɗaya a matsayin honey moon, to meye hukuncin daya matar, ya zalunce ta ke nan?

𝐀𝐌𝐒𝐀👇

Wa alaikum assalam. To ɗan'uwa Anas (R.A) ya rawaito cewa: "Yana daga cikin sunnah In mutum ya auri budurwa kuma yana da wata matar, ya yi mata kwana bakwai, in kuma bazawara ce kwana uku" kamar yadda ya zo a Sunanu Attirmizi a hadisi mai lamba ta: 1139, wannan sai ya nuna kari a kan haka ya saɓa wa sunnah.

Amma Idan Uwar gida ta bada izni ya halatta a yi kari a kan haka, tun da ya halatta mace ta sarayar da hakkinta na kwana, kamar yadda Saudatu ta bawa Nana A'isha kwananta, lokacin da girma ya zo mata, ta ga Annabi ﷺ bai damu da ita ba sosai, kamar yadda Bukhari ya rawaito a hadisi mai lamba ta: 4914,

Wannan sai ya nuna halaccin sarayar da hakkin kwana, da yiwuwar yi wa amarya kari idan uwar gida ta yarda.

Allah mafi sani.

✍️ DR. JAMILU YUSUF ZAREWA

Ku Kasance Da mu Cikin Wannan Group Domin Ilimantarwa Tare Da Faɗakarwa a Sunnah.

𝐓𝐄𝐋𝐄𝐆𝐑𝐀𝐌👇

https://t.me/TambayoyiDaAmsoshi

𝐅𝐀𝐂𝐄𝐁𝐎𝐎𝐊👇

Https://www.facebook.com/groups/336629807654177

𝐖𝐇𝐀𝐓𝐒𝐀𝐏𝐏👇

https://chat.whatsapp.com/BD0aB20SWTB9hgHahFHb9M

ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ

**************************

Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.