Banbancin Tsakanin Zinar Ido Da Ta Jiki

𝐓𝐀𝐌𝐁𝐀𝐘𝐀❓

Assalamu alaikum Dafatan An Wuni lfy Malam dama tambaya Nike a kan Hukuncin Zinar ido ta hayar kallon abin da yake na haramu, Kuma da Banbancin da ke tsakanin Zinar jiki data ido.

𝐀𝐌𝐒𝐀👇

Zinar ido (wato kallon abin da Allah ya haramta) da kuma zinar jiki da jiki, dukkaninsu laifuka ne masu girma. Domin kuwa Allah ya haramtasu a cikin Alƙur'ani da kuma hadisai ta harshen Annabinsa ﷺ.

1. Zinar ido tana daga manyan hanyoyin da Shaiɗan yake bi domin jan mutane zuwa ga aikata zinar jiki da jiki. Shi ya sa ma Allah ya ce wa Annabinsa ﷺ "Ka gaya wa muminai maza su runtse idanuwansu kuma su kiyaye farjojinsu, wannan shi ya fi tsarkakewa gareku. Hakika Allah masani ne game da abin da suke aikatawa".

Imam Ibnu Katheer ya ce: "Wannan umurni ne daga Allah (SWT) zuwa ga bayin sa Muminai cewa su runtse idanuwansu daga kallon duk abin da ya haramta musu. Kada su kalli komai sai abin da ya halatta musu kallonsa".

Manzon Allah ﷺ ya faɗa a cikin wani hadisi cewa "Kallo, wani kibiya ne mai dafi (poison) daga kibiyoyin iblees. Duk wanda ya barshi (wato ya bar kallon) domin tsorona, zan chanza masa da wani imani, zai ji ɗanɗanonsa a cikin zuciyarsa".

(Tabaraniy ne ya ruwaitoshi).

2. Ita kuwa zinar jiki da jiki, ai Manzon Allah ﷺ ya ce "Bayan yin shirka da Allah, babu wani zunubi mafi girma kamar maniyyin da wani mutum ya sanya a cikin mahaifar da ba ta halatta gareshi ba". Kuma ya ce "Mazinaci ba zai yi zina alhali yana mumini ba". (Wato sai bayan an cire masa imani).

Zinar ido babu haddi a kanta. Amma zinar jiki da jiki, in dai shaidu suka tabbata a kan masu laifin, ko aka samu Iƙirari tabbatacce daga masu laifin, ana yi musu haddin bulala ɗari (100) idan basu taɓa aure ba. Idan kuma sun taɓa yin aure hukuncin rajamu ake musu (wato jefesu da duwatsu har sai sun mutu).

Kuma Manzon Allah ﷺ ya bada labarin da ke nuna cewar ko da a cikin wuta, mazinata wajen azabtar da su ya bambanta, ya fi muni fiye da na sauran 'yan wuta. (Allah shi kiyaye mu da aikata zina, kuma ya kiyaye mu daga shiga wuta).

Allah ta'ala ya sa mu dace

Ku Kasance Da mu Cikin Wannan Group Domin Ilimantarwa Tare Da Faɗakarwa a Sunnah.

BANBANCIN TSAKANIN ZINAR IDO DA TA JIKI

𝐓𝐀𝐌𝐁𝐀𝐘𝐀❓

Assalamu alaikum Dafatan An Wuni lfy Malam dama tambaya Nike Akan Hukuncin Zinar ido ta hayar kallon abin da yake na haramu Kuma da Banbancin dake tsakanin Zinar jiki data ido.

𝐀𝐌𝐒𝐀❗️

Wa'alaikumus Salam Warahmatullahi Wabarkatuhu.

Zinar ido (wato kallon abin da Allah ya haramta) da kuma zinar jiki da jiki, dukkaninsu laifuka ne masu girma. Domin kuwa Allah ya haramtasu acikin Alƙur'ani da kuma hadisai ta harshen Annabinsa (Sallallahu alaihi Wasallam).

1. Zinar ido tana daga manyan hanyoyin da Shaiɗan yake bi domin jan mutane zuwa ga aikata zinar jiki da jiki. Shi yasa ma Allah ya ce wa Annabinsa (Sallallahu alaihi Wasallam):

قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَٰلِكَ أَزْكَىٰ لَهُمْ إِنَّ اللَّهَ خَبِيرٌ بِمَا يَصْنَعُونَ

 "Ka gaya wa muminai maza su runtse idanuwansu kuma su kiyaye farjojinsu, wannan shi ya fi tsarkakewa gareku. Hakika Allah masani ne game da abinda suke aikatawa". [Suratul Al-Nur aya 30]

وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ

Kuma ka ce wa muminai mata su runtse daga ganinsu (daga kallon haram), kuma su tsare farjojinsu (daga haram)”. [suratul Al-Nur aya 31]

Imam Ibnu Katheer ya ce: "Wannan umurni ne daga Allah (SWT) zuwa ga bayinsa Muminai cewa su runtse idanuwansu daga kallon duk abinda ya haramta musu. Kada su kalli komai sai abinda ya halatta musu kallonsa".

Manzon Allah Sallallahu alaihi Wasallam ya faɗa acikin wani hadisi cewa "Kallo, wani kibiya ne mai dafi (poison) daga kibiyoyin iblees. Duk wanda ya barshi (wato ya bar kallon) domin tsorona, zan chanza masa da wani imani, zai ji ɗanɗanonsa acikin zuciyarsa" (Tabaraniy ne ya ruwaitoshi).

2. Ita kuwa zinar jiki da jiki, Manzon Allah Sallallahu alaihi Wasallam Ya ce "Bayan yin shirka da Allah, babu wani zunubi mafi girma kamar maniyyin da wani mutum ya sanya acikin mahaifar da bata halatta gareshi ba". Kuma ya ce "Mazinaci ba zaiyi zina alhali yana mumini ba". (Wato sai bayan an cire masa imani).

Zinar ido babu haddi akanta. Amma zinar jiki da jiki, in dai shaidu suka tabbata akan masu laifin, ko aka samu Iƙirari tabbatacce daga masu laifin, ana yi musu haddin bulala ɗari (100) idan basu taɓa aure ba. Idan kuma sun taɓa yin aure hukuncin rajamu ake musu (wato jefesu da duwatsu har sai sun mutu).

Kuma Manzon Allah Sallallahu alaihi Wasallam ya bada labarin dake nuna cewar koda acikin wuta, mazinata wajen azabtar dasu ya bambanta, ya fi muni fiye da na sauran 'yan wuta. (Allah shi kiyayemu da aikata zina, kuma ya kiyayemu daga shiga wuta).

WALLAHU A'ALAM

Zauren Fatawoyi Bisa Alkur'ani Da Sunnah. Ku kasance Damu...

𝐓𝐄𝐋𝐄𝐆𝐑𝐀𝐌👇

https://t.me/TambayoyiDaAmsoshi

𝐅𝐀𝐂𝐄𝐁𝐎𝐎𝐊👇

Https://www.facebook.com/groups/336629807654177

𝐖𝐇𝐀𝐓𝐒𝐀𝐏𝐏👇

https://chat.whatsapp.com/DTrJJCF04ƘpACEtA7hyu4R

ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ

**************************

Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.