Hukuncin Karin Gashi

𝐓𝐀𝐌𝐁𝐀𝐘𝐀❓

Shin a Shari'ance Mene ne hukunci gameda karin gashi da Mata sukeyi a Kansu?

𝐀𝐌𝐒𝐀❗️

Dukkan Mālamai sun yi Ittifāƙi akan cewa bāya halatta ga dukkan wata Mace ta yi amfāni da gāshin wani Ɗan-Ādam Mace ko Namiji don ta yi Ƙārin-Gāshi dashi a kanta, wannan kam harāmunne Ƙaulan-Wāhidan, Mālamai sunkafa Hujjarsune da Hadisan Mαиzoи Aʟʟαнﷺ da sukazo akan haka, daga cikinsu akwai wannan Hadisi da Aηηαвιﷺ Yake cewa:

لَعَنَ اللَّهُ الْوَاصِلَةَ وَالْمُسْتَوْصِلَةَ......إلخ

MA'ANA:

Aʟʟαнﷻ Yā tsīnewa Mātar datake (sana'ar) Ƙārin-Gāshi, dakuma Mātar da'akeyiwa Ƙārin-Gāshin......

Danhaka harāmunne bai halattaba, to amma Saidai Mālamai sun yi Saɓāni akan cewa Shin wannan haramci yashafi dukkan kowanne irin nau'in Gāshi* ko wani abu da Mace zata iya amfani dashi ta yi Ƙārin-Gāshi a kanta, kokuma ā'a haramcin yā taƙaitane kaɗai akan yin amfani da asalin Gāshi-Mutum? wani Sāshe na Mazhabobin Hanafiyya da Hanābila suntafi akan cewa indai ba Gāshin-Mutum bane to yā halatta Mace ta yi amfani dashi, wāto kamar irin su Zaren-Ūlu, Zaren-Roba, Ƙyallen-Yādi, Gāshin-Dabbōbi, dadai sauran makamantansu, amma Mazhabin Mālikiyya tāre da mafi yawa daga cikin Mālamai sun ɗauki (Umūm) na wannan Hadisine, danhaka sukace wannan haramci yashāfi kowanne irin nau'i na Gāshi, ko wani abu dabam wanda za'ahada dashi ayiwa Mace kitso a kanta, sukace haramun ne bai halattaba ayi, dalilinsu kuwa shi ne, baya ga (Umūm) na wancan Hadisi, sukace akwai wani Hadisin da Al-Imāmu-Muslim ya ruwaito wanda Yake cewa:

زَجَرَ النَّبِيُّ (ﷺ) أَنْ تَصِل الْمَرْأَة بِرَأْسِهَا شَيْئًا

MA'ANA:

Mαиzoи Aʟʟαнﷺ Yā tsāwatar gameda cewa kada wata Mace ta haɗa Gāshinta da kowane irin abu, Sukace wannan Hadisi yā game Kōmai-da-Kōmai bawai sai Gāshin-Mutum kaɗaiba, sukace kōma mene ne bai halattaba, kamar Mace take amfani da Gāshi irin na Company da'ake sayarwa a Kanti, hakanan wasu daga cikin Mālamai sukace haramun ne Mace ta yi amfani da dukkan wani abu wanda zaisa kanta ya yi tudu aga kamar cewa ai tana da Gāshi ne dayawa a kanta, alhāli kuma ba yawan Gāshi bane, kawai *āyi cōge ne da algus, hakanan harāmunne Mace-Musulmā tasa Hūlar-Gāshi a kanta, wacce ake ƙiranta da Lārabci (الباروكة) domin kuwa itama hukuncinta yashiga cikin wancan Hadisi, ko da yake akwai Mālamanbda suke ganin ya halatta a yi amfani da'ita, amma magana mafi inganci haramun ne, Sannan kuma sanyata ya zama anyi kamanceceniya da Mātan-Kāfirai, wanda wannan ma kaɗai yā isa ya zama Hujja na haramcin yin amfāni da'ita, to amma idan ya kasance Mace tasamu wata larurar da tasa gaba ɗaya Gāshin-Kanta yazube, kanta ya zama ba Gāshi kamar anyi mata aski Ƙwal-Ƙwal, kokuma Mātar datake da Sanƙo a kanta gaba ɗaya ba Gāshi, anan sai wasu daga cikin Mālamai sukace ya halatta ta yi amfani da Hūlar-Gāshi dan tarufe aibun dake tare da'ita, domin batayi hakan da nufin ado ba dan taƙāra kyau, saidai tayine dan tarufe larurar dake kantane kawai, to amma Saidai mafi yawan Mālamai suntafine akan cewa ko da kanta Ƙwal-Ƙwal yake bābu Gāshi to duk dahaka bai halattaba ta yi amfani da Hūlar-Gāshi.

Doмυп пεмαп ƙαяıп вαчαпı sαı αdυвα шαɗαппαп ʟıтαттαғαı καмαя нακα:

كفاية الطالب الرباني" (2/459)

فتاوى اللجنة الدائمة" (5/191)

шαʟʟαнυ-тα'αʟα α'αʟαмυ

AMSAWA

Mυѕтαρнα Uѕмαn

08032531505

Ga Masu Buƙatar Shiga Wannan Group Zaku iya bi ta Links ɗin mu...

𝐖𝐇𝐀𝐓𝐒𝐀𝐏𝐏👇

https://chat.whatsapp.com/IƙsWWSpUkwk6b8hWJ6vXOO

𝐅𝐀𝐂𝐄𝐁𝐎𝐎𝐊👇

Https://www.facebook.com/groups/336629807654177

𝐓𝐄𝐋𝐄𝐆𝐑𝐀𝐌👇

https://t.me/TambayoyiDaAmsoshi

ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ

**************************

Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.