Hukuncin Zuwa Ziyara A Ranar Juma'a

𝐓𝐀𝐌𝐁𝐀𝐘𝐀❓

Shin keɓance ranar Juma’a domin zuwa ziyartar ’yan uwa yana da asali a Shari’a, Sannan akwai wani nassi da ya kwadaitar da yin hakan?

𝐀𝐌𝐒𝐀❗️

Asalin ziyartar ’yan uwa da sadar da zumunci abin so ne a Musulunci. Amma keɓance ranar Juma’a musamman domin wannan ziyara, Babu nassin daya tabba tar da hakan.

Sheikh Ibn Baz R.A ya bayyana cewa babu wani dalili da ya keɓance wani lokaci na musamman domin sadar da zumunci; mutum zai iya sadar da zumunci a lokacin da ya samu dama.

Haka nan Lajnatud-Da’imah ta bayyana cewa sadar da zumunci abu ne da Shari’a ta umarta, amma ba a keɓance wani lokaci na musamman domin hakan sai da dalili.

Allah S.W.T yake cewa a cikin littafinsa mai girma

 وَاتَّقُوا اللَّهَ الَّذِي تَسَاءَلُونَ بِهِ وَالْأَرْحَامَ ۚ إِنَّ اللَّهَ كَانَ عَلَيْكُمْ رَقِيبًا

Ku ji tsoron Allah wanda kuke roƙon juna da Sunansa, kuma ku kiyaye zumunci. Lalle Allah Ya kasance Mai kula da ku.

Annabi (Sallallahu Alaihi Wasallam) ya ce

مَنْ كَانَ يُؤْمِنُ بِاللَّهِ وَالْيَوْمِ الْآخِرِ فَلْيَصِلْ رَحِمَهُ

Duk wanda ya yi imani da Allah da ranar Lahira, to ya sadar da zumuncinsa. (Bukhari da Muslim).

Kaga dukkanin nassin da muka amba ta ba'a kawo ranar juma'a kaɗai ko fifikon yin zumunci a cikinta ba.

Idan mutum ya ziyarci ’yan uwansa ranar Juma’a saboda ya samu dama, babu laifi. Amma idan ya yi imani cewa ziyartar ’yan uwa ranar Juma’a sunnah ce ta musamman, to wannan yana buƙatar dalili, kuma babu dalili sahihi da ya keɓance Juma’a da wannan ibada.

Allah ne mafi sani.

Zauren Fatawoyi Bisa Alkur'ani Da Sunnah.

ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ

WALLAHU A'ALAM.

https://t.me/TambayaDaAnsa

𝐖𝐇𝐀𝐓𝐒𝐀𝐏𝐏👇

https://whatsapp.com/channel/0029VaA8YpB42DcZdoRuCj3G

𝐅𝐀𝐂𝐄𝐁𝐎𝐎𝐊👇

Https://www.facebook.com/groups/336629807654177

**************************

Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.