Hukuncin Aure Tsakanin Dan Kanwar Uwa Da ‘Yar Yayar Uwa

𝐓𝐀𝐌𝐁𝐀𝐘𝐀❓

Aslamu alaikum malam Allah ubangiji ya kara lafiya da nisan kwana masu albarka da imani. Dan Allah malam ina tambaya akwai aure a tsakanin ɗan kanwar uwa da yar yayar uwa na gode.

HUKUNCIN AURE TSAKANIN ƊAN ƘANWAR UWA DA ‘YAR YAYAR UWA

𝐀𝐌𝐒𝐀❗️

Wa alaikumus salam warahmatullahi wabarakatuh.

Aure yana halatta tsakanin ɗan kanwar uwa da ’yar yayar uwa, domin basa cikin waɗanda Allah Ya haramta aurensu. Ɗan kanwar uwa da ’yar yayar uwa ba ’yan uwa ne na jini waɗanda shari’a ta haramta aurensu ba, don haka kowannensu na iya auren ɗayan, matuƙar babu wata dangantaka ta shayarwa ko wani dalili na shari’a da zai hana auren.

Allah Maɗaukakin Sarki Ya bayyana waɗanda aka haramta aure a cikin Suratun Nisa’i, inda Ya ce

حُرِّمَتْ عَلَيْكُمْ أُمَّهَاتُكُمْ وَبَنَاتُكُمْ وَأَخَوَاتُكُمْ وَعَمَّاتُكُمْ وَخَالَاتُكُمْ وَبَنَاتُ الْأَخِ وَبَنَاتُ الْأُخْتِ وَأُمَّهَاتُكُمُ اللَّاتِي أَرْضَعْنَكُمْ وَأَخَوَاتُكُم مِّنَ الرَّضَاعَةِ...

An haramta muku uwayenku, da ’ya’yanku mata, da ’yan’uwanku mata, da innoninku (’yan’uwan mahaifi), da ’yan’uwan mahaifiyarku mata, da ’ya’yan ’yan’uwanku maza, da ’ya’yan ’yan’uwanku mata, da uwayenku mata waɗanda suka shayar daku, da ’yan’uwanku mata ta hanyar shayarwa...” (Suratun Nisa’i ayata 23)

A cikin wannan ayar Allah Ya ambaci waɗanda aka haramta wa mutum aure, kamar uwa, ’ya, ’yar’uwa, ’yar’uwan uba, ’yar’uwan uwa, ’yar ɗan’uwa da ’yar ’yar’uwa, da kuma waɗanda aka haramta saboda shayarwa. Amma ’yar yayar uwa ko ’yar kanwar uwa ba ta cikin waɗannan waɗanda aka haramta, saboda haka a asali aure tsakaninsu halal ne.

Saboda haka, idan aka ce ɗan kanwar uwa zai auri ’yar yayar uwa, babu wani haramci a cikin hakan. Haka kuma, ba muhanramai ba ne ga juna kafin aure, don haka dokokin mu’amala tsakanin namiji da mace waɗanda ba mahramai ba suna nan a tsakaninsu. Sai dai idan akwai dangantakar shayarwa da ta sanya su ’yan uwa ta shayarwa, to a wannan lokacin ba za su iyayin aure ba, domin Annabi (SAW) ya ce: “Abin da ya haramta saboda shayarwa shi ne abin da ya haramta saboda nasaba.” (Sahih al-Bukhari da Sahih Muslim).

WALLAHU A‘LAM.

Zauren Fatawoyi Bisa Alkur'ani Da Sunnah.

 ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ

WALLAHU A'ALAM.

https://t.me/TambayaDaAnsa

𝐖𝐇𝐀𝐓𝐒𝐀𝐏𝐏👇

https://whatsapp.com/channel/0029VaA8YpB42DcZdoRuCj3G

𝐅𝐀𝐂𝐄𝐁𝐎𝐎𝐊👇

Https://www.facebook.com/groups/336629807654177

**************************

Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.