Wakar Yau Nijeriya Riko Sai Maigaskiya” Wadda Ibrahim Yala Hayin Banki Kaduna Ya Yi Wa Janaral Muhammad Buhari A Shekarar (2003) Lokacin Yana Takarar Shugabancin Nijeriya A Tutar Jam’iyyar A.P.P Inda Ya Ce

WAƘAR YAU NIJERIYA RIƘO SAI MAIGASKIYA” WADDA IBRAHIM YALA HAYIN BANKI KADUNA YA YI WA JANARAL MUHAMMAD BUHARI A SHEKARAR (2003) LOKACIN YANA TAKARAR SHUGABANCIN NIJERIYA A TUTAR JAM’IYYAR A.P.P INDA YA CE

Y/Amshi: Ayyi ruru-rui!

Jagora: Yau Nijeriya riƙo sai mai gaskiya

 Sannu Buhari kai muke so Nijeriya

 

Y/Amshi: Yau Nijeriya riƙo sai mai gaskiya

 Sannu Buhari kai muke so Nijeriya

 (Mai mai tawa)

 

Jagora: Allah haliƙu da yaiyo duka duniya

Mu roƙon da za mu yo duka bai daya

Baiwa Buhari Mulkin Nijeriya

APP ta zo ta rungumi Nijeriya

Don shi ne muke buƙata mai gaskiya

 

Y/Amshi: Yau Nijeriya riƙo sai mai gaskiya

 Sannu Buhari kai muke so Nijeriya

 

Jagora: Salli Ala Muhammadu, Annabi Shugaba

Mai cetonmu wanda kowa ke fargaba

Annabi ran ƙiyama ka samu sahun gaba

Mun bi Rasulu ɗan Amina Maigaskiya

 

Y/Amshi: Yau Nijeriya riƙo sai mai gaskiya

 Sannu Buhari kai muke so Nijeriya

 

Jagora: Ka zo ka fitar da mu a ƙunci da muke ciki

Yau mun sha wuya a kullun sai farmaki

Ana satan kuɗinmu a yau ba shamaki

Ka ji halin da muke ciki Nijeriya

 

Y/Amshi: Yau Nijeriya riƙo sai mai gaskiya

 Sannu Buhari kai muke so Nijeriya

 

Jagora: Tanko da Baba Lola suna ta halin tsiya

Mu da kuɗin mu gashi duk an muna murɗiya

Shi yassa muke biɗan yo maigaskiya

 

Y/Amshi: Yau Nijeriya riƙo sai mai gaskiya

 Sannu Buhari kai muke so Nijeriya

 (Mai mai tawa)

 

Jagora: Allah wadanku tun da bakwa ƙaunammu,

Tunda kuna ta mulkin mu ba ku kula da mu

Don Allah Buhari mu zo ka fitarda mu

Yau kai ne muke so a nan Nijeriya

 

Y/Amshi: Yau Nijeriya riƙo sai mai gaskiya

 Sannu Buhari kai muke so Nijeriya

 

Jagora: Yau Nijeriya riƙo sai mai gaskiya

 Sannu Buhari kai muke so Nijeriya

 

Y/Amshi: Yau Nijeriya riƙo sai mai gaskiya

 Sannu Buhari kai muke so Nijeriya

 

Jagora: Ni na sanka tun kana mulkin gaskiya

Kun ga alokacin Buhari bai danniya

Du ya kauda mai halin murɗiya

Sannu Buhari kai muke so Nieriya

 

Y/Amshi: Yau Nijeriya riƙo sai mai gaskiya

 Sannu Buhari kai muke so Nijeriya

 

Jagora: Sanda ya karɓi mulki Buhari nan ƙasat

Dut ya tadda‘yan cin hanci ƙasat

Duk ya gyara komai da ke a cikin ƙasat

To, mai zai hana mu so ka a Nijeriya

 

Y/Amshi: Yau Najeriya riƙo sai mai gaskiya

 Sannu Buhari kai muke so Nijeriya

 

Jagora: Kunga a lokacin yacci bashin Ingila,

Har da Amerika masu halin baɗila

Har NF ya ce baya sojan matstsala

Mun gode Buhari mai kishin gaskiya

 

Y/Amshi: Yau Nijeriya riƙo sai mai gaskiya

 Sannu Buhari kai muke so Nijeriya

 

Jagora: Ya kyautar da ‘yan ta’adda da suke ƙasa

Masu kuɗi da ba su zakka sun barƙasa

Kunji a lokacin tattali ya bunƙasa

Har a ƙasarmu mun kasance ba ma tsiya

 

Y/Amshi: Yau Najeriya riƙo sai mai gaskiya

 Sannu Buhari kai muke so Najeriya

 

Jagora: Mu wallahi lokacin ba ma yin tsiya

Tun da akwai Buhari mai halin gaskiya

Mun ci abunci har da nama ba shan wuya

Kunji a lokacin Buhari mai gaskiya

 

Y/Amshi: Yau Najeriya riƙo sai mai gaskiya

 Sannu Buhari kai muke so Najeriya

 

Jagora: Yau Najeriya riƙo sai mai gaskiya

 Sannu Buhari kai muke so Najeriya

 

Y/Amshi: Yau Najeriya riƙo sai mai gaskiya

 Sannu Buhari kai muke so Najeriya

 

Jagora: Wancan lokacin farar hulla sun gudu

Domin sun yi ɓanna dole su zan gudu

Yanzu idan ka hau dole wancan na gudu

Zai tsere ya bar ƙasar don bai gaskiya

 

Y/Amshi: Yau Najeriya riƙo sai mai gaskiya

 Sannu Buhari kai muke so Najeriya

 

Jagora Ke lema baƙaddaga kin muna yau tsiya,

Ke lema baƙaddaga kin muna yau tsiya

Ba kya maganin ruwa duk mun sha wuya

Ke Lema fa mulkinki ba kya gaskiya

ANPP zo ki tallafi Najeriya

 

Y/Amshi: Yau Najeriya riƙo sai mai gaskiya

 Sannu Buhari kai muke so Najeriya

 (Mai mai tawa)

 

Jagora: Wanda ya ja da kai Buhari zai sha wuya,

Domin Ka fi wane mai halin ‘yan giya

Mai fuska kamat ana murjin taliya

Kai hangoshi baya ƙaunan Najeriya

Y/Amshi: Yau Najeriya riƙo sai mai gaskiya

 Sannu Buhari kai muke so Najeriya

 (Mai mai tawa)

 

Jagora: Lalle Daura kin yi ɗa wanda yake da kyau,

Wanda idan na ganshi ni bana zudda yawu

Ku jama’a ina kira sai ku riƙe da kyau

Sannu Buhari Shugaban ‘Yan Najeriya

 

Y/Amshi: Yau Najeriya riƙo sai mai gaskiya

 Sannu Buhari kai muke so Najeriya

 (Mai mai tawa)

 

Jagora: Ka ji mutan Kano, Kaduna har Katsina

Ga na Jigawa, har Barno dut sun jinjina

Sakkwato, Kebbi Zamfara dut sun jinjina

Sun ce yanzu ne ƙasar za a yi gaskiya

 

Y/Amshi: Yau Najeriya riƙo sai mai gaskiya

 Sannu Buhari kai muke so Najeriya

 

Jagora: Yobe da Bauci har da Gombe sun Sallama

Har Adamawa, ‘yan Taraba ba tantama

Su Beniwe, Pilatu suna yin Sallama

Sun ce sai Buhari mai mulkin gaskiya

 

Y/Amshi: Yau Nijeriya riƙo sai mai gaskiya

 Sannu Buhari kai muke so Nijeriya

 (Mai mai tawa)

 

Jagora: Na je Naija, Kogi, Kwara sun Sallama

Sun ce sai dai kai Buhari sai Lalama

Su ‘yan Lafiya batunsu ba tantama,

Za su bi Shugaba Buharin Nijeriya

 

Y/Amshi: Yau Nijeriya riƙo sai mai gaskiya

 Sannu Buhari kai muke so Nijeriya

 

Jagora: Har na tsallaka a Lagos domin na ji

Sun ce ba su bin wanda bai yin agaji

Na ji suna Oshe Buhari mai agaji

Sarewa ka zo ka karɓe Nijeriya

 

Y/Amshi: Yau Nijeriya riƙo sai mai gaskiya

 Sannu Buhari kai muke so Nijeriya

 

Jagora: Oyo, Oshun da can Ondo su ma sun faɗa

Har Ogun da naz zaka dut sun daɗaɗa

Dut sun ce Buhari shi baya tambaɗa

Shi ne za su zaɓa a nan Nijeriya

 

Y/Amshi: Yau Nijeriya riƙo sai mai gaskiya

 Sannu Buhari kai muke so Nijeriya

 

Jagora: Har Enugu da Imo su ma sun ambata

Kun ji Anambara da su za a karon batta

Sun ce za su yi Buhari don cancanta

Sannu Buhari Shugaban ‘yan Nijeriya

 

Y/Amshi: Yau Nijeriya riƙo sai mai gaskiya

 Sannu Buhari kai muke so Nijeriya

 

Jagora: Kunji ƙasarmu ta haɗe sai mai gaskiya

Mun haɗe kai ƙasarmu duk Nijeriya

Hausawa, Ibo da Yarbawa mu ɗaya

Mun ce sai Buharinmu duka bai ɗaya

 

Y/Amshi: Yau Nijeriya riƙo sai mai gaskiya

 Sannu Buhari kai muke so Nijeriya

 (Mai mai tawa)

 

Jagora: PTF da kar rinka ai mu mun gani

Kai aiki da gaskiya han ni nagani

Assibitinmu ko ina mu mun gani

Hanyoyinmu sun yi kyau duk Nijeriya

 

Y/Amshi: Yau Nijeriya riƙo sai mai gaskiya

 Sannu Buhari kai muke so Nijeriya

 

Jagora: Yau Nijeriya riƙo sai mai gaskiya

 Sannu Buhari kai muke so Nijeriya

 

Y/Amshi: Yau Nijeriya riƙo sai mai gaskiya

 Sannu Buhari kai muke so Nijeriya

 

Jagora: Yau Nijeriya riƙo sai mai gaskiya

 Sannu Buhari kai muke so Nijeriya

Y/Amshi: Yau Nijeriya riƙo sai mai gaskiya

 Sannu Buhari kai muke so Nijeriya

 

Jagora: Don haka zo ka jamu don kai ne jagaba

Mu a ƙasarmu kai mu ke so yau shugaba

In ka riƙe Buhari mu ba ma fargaba

Zo ka riƙemu gar mu zauce daga gaskiya

 

Y/Amshi: Yau Nijeriya riƙo sai mai gaskiya

 Sannu Buhari kai muke so Nijeriya

 

Jagora: Ga zakaran da Rabbana Sarki yan nufa

Dole a ƙyale maigida ko ko a rankwafa

Don haka gar ku ja da shi balle ku zurfafa

Yau Allah yana a bayan mai gaskiya

 

Y/Amshi: Yau Nijeriya riƙo sai mai gaskiya

 Sannu Buhari kai muke so Nijeriya

 (Mai-maitawa)

 

Jagora: Zan yi kiranku Ribas Fatakol da ‘yan uwa,

Gar ku bari a cuceku da tsanin rantsuwa

Dan na Tabbata ada ba kuda damuwa

Yanzu kuma ga Buhari shi ne bai danniya

 

Y/Amshi: Yau Nijeriya riƙo sai mai gaskiya

 Sannu Buhari kai muke so Nijeriya

 

Jagora: Sannu fiya-fiya da baka yin murɗiya

Zo ka kawad da Tanko mai fuskar saniya

Har da na Baba Lola mai halin ‘yan giya

Wanda suke da ɓata tsarin Nijeriya

 

Y/Amshi: Yau Nijeriya riƙo sai mai gaskiya

 Sannu Buhari kai muke so Nijeriya

 (Mai-Maitawa)

 

Jagora: Kun ga halinsu ya samu mun koma bara

Don haka nik kiram mutane kui hattara

Kan zancen da nai wadda bana ƙirƙira

Sai mu zage mu zaɓi mai gaskiya

 

Y/Amshi: Yau Nijeriya riƙo sai mai gaskiya

 Sannu Buhari kai muke so Nijeriya.

 

Jagora: Da a ƙasarmu ba yinwa in kun tuna

Sai ku tuna abinci da gashi a ko’ina

Babu faɗa a lokacin in har kun tuna

Yanzu idan ka gammu duk mun sha wuya

 

Y/Amshi: Yau Nijeriya riƙo sai mai gaskiya

 Sannu Buhari kai muke so Nijeriya

 (Mai-maitawa)

 

Jagora: Ku da ke ta sukar Buhari uban ƙasa

Ku ne kun ka kwashe fetur da kuɗin ƙasa

Don tsabar rashin mutuncinku cikin ƙasa

Har ma dukiyar marayu kun murɗiya

 

Y/Amshi: Yau Nijeriya riƙo sai mai gaskiya

 Sannu Buhari kai muke so Nijeriya

 

Jagora: Yau Nijeriya riƙo sai mai gaskiya

 Sannu Buhari kai muke so Nijeriya

 

Y/Amshi: Yau Nijeriya riƙo sai mai gaskiya

 Sannu Buhari kai muke so Nijeriya

 

Jagora: Ku da ke ta sukar Buhari uban ƙasa

Ku ne kun ka kwashe fetur da kuɗin ƙasa

Don tsabar rashin mutuncinku cikin ƙasa

Har ma dukiyar marayu kun murɗiya

 

Y/Amshi: Yau Nijeriya riƙo sai mai gaskiya

 Sannu Buhari kai muke so Nijeriya

 

Jagora: Allah wadaranku masu halin Salmariya

Wannan ɗan Baƙin da ƙira ta ‘yan giya

Tun da ya hawo ya ke halin danniya

Mugun in ka gan shi kasan bai gaskiya

 

Y/Amshi: Yau Nijeriya riƙo sai mai gaskiya

 Sannu Buhari kai muke so Nijeriya

 (Mai-maitawa)

 

Jagora: Yau Nijeriya riƙo sai mai gaskiya

 Sannu Buhari kai muke so Nijeriya

 

Y/Amshi: Yau Nijeriya riƙo sai mai gaskiya

 Sannu Buhari kai muke so Nijeriya

 (Mai-maitawa)

 

Jagora: Kun cucemu da da yanzu mun ankare

Kar ku sake ku zo wurinmu bama tare

Don na san da kai na yamma mai halin kare

Mun riƙe mu Buhari shi ne maigaskiya

 

Y/Amshi: Yau Nijeriya riƙo sai mai gaskiya

 Sannu Buhari kai muke so Nijeriya

 

Jagora: Ka zama Jinjirin wata kai ne ake jira

Rana ta fito ta riga ta gagara

Dutse ka wuce bugu koko tokara

Har mai gatari Muhammad zai Juriya

 

Y/Amshi: Yau Nijeriya riƙo sai mai gaskiya

 Sannu Buhari kai muke so Nijeriya

 

Jagora: Ka ji wada fa Nas, yana sonka da shugaba

Mai Katsina Kabir yana sonka da shugaba

Har da na Daura Bashari shi ma ya yaba

Sun ce zo ka yi ka gyara shirin gaskiya

 

Y/Amshi: Yau Nijeriya riƙo sai mai gaskiya

 Sannu Buhari kai muke so Nijeriya

 

Jagora: Ado Bayero dole mulkin ‘yan Kano,

Yace kai suke buƙata Faɗin Kano

Ka zama ɗa dake da daɗin ɗan ɗano

Sannu Buhari Shugaban ‘yan Nijeriya

 

Y/Amshi: Yau Nijeriya riƙo sai mai gaskiya

 Sannu Buhari kai muke so Nijeriya

 

Jagora: Rabi’u Dan Tudun Garu shi ma ya yaba

Abdullahi Gwarzo wannan bai fargaba

Har da litil Aminu har shi ma ya yaba

Sun ce za su bika don tsarin gaskiya

 

Y/Amshi: Yau Nijeriya riƙo sai mai gaskiya

 Sannu Buhari kai muke so Nijeriya

 

Jagora: Ka ga Yarima can Zamfara shi ya yaba

Ka nga Yariman Zamfara shi ya yaba

Har da Bukar Abba Yobe shi ma ya yaba

Sun ce zo ka ceci Nijeriya

 

Y/Amshi: Yau Nijeriya riƙo sai mai gaskiya

 Sannu Buhari kai muke so Nijeriya

 

Jagora: Sannu Kabiru Umar Ciyaman APP Ka riƙe Gaskiya

Sannu Kabiru Umar Ciyaman APP

In a riƙe da ƙarhi a yau kai ne ka ci

Alhaji Sa’idu Ɗan Basawa kai tallafi

Don na san kana da kishin Gaskiya

 

Y/Amshi: Yau Nijeriya riƙo sai mai gaskiya

 Sannu Buhari kai muke so Nijeriya

 

Jagora: Mamman Daura ya faɗi kai ne shugaba

Har Muntari Zango yanace kai ne shugaba

Har da Lawali Bawa da ba ya yin gaba

Har da Minista Sani Mai kishin Gaskiya

 

Y/Amshi: Yau Nijeriya riƙo sai mai gaskiya

 Sannu Buhari kai muke so Nijeriya

Jagora; Sannu Iya bayis mashal Muktar Xan’ uwa

 Abdurrahman Xan malan garkuwa

 Har Muntari Shehu koko na faskari,

 Duk sun ce zo ka tallafi Najeriya.

 

‘Y/Amshi Yau Najeriya riqo sai mai gaskiya

 Sannu Buhari kai muke so Najeriya.

 

Jagora: Ni zan dakata a nan sai kuma nan gaba

Dan Waƙa a kan Buhari ban fargaba

Ni ne Yala na Shirya Waƙar ta Shugaba

Ni ne ɗan Hayin Banki mai son gaskiya

Sannu Buhari kai nike so Najeriya

Jagora: Yau Najeriya riƙo sai mai gaskiya

 Sannu Buhari kai muke so Najeriya

Y/Amshi: Yau Najeriya riƙo sai mai gaskiya

 Sannu Buhari kai muke so Najeriya

 (Mai-maitawa)