Babu Zaman Lafiya Tsakanina Da Mijina

𝐓𝐀𝐌𝐁𝐀𝐘𝐀❓

Assalamu alaikum malam ina jin daɗin nasiharku Allah ya ƙara wa malam basira da lafiya. Malam wallahi ina cikin damuwa da rudani, ni da mijina ba ma zaman lafiya sai ya zama yana zargina, ni kuma da na ga haka sai na gaya wa ƙanwar mahaifiyata ta kaini gurin wani malami akatsina. Saboda wallahi malan a lokacin zuciyata sai na ji ba na son zama da shi na cewa malamin ya raba mu. Ya ba ni wasu takardu ya ce insa wani a masai wani kuma in kona duk nayi, Kuma muka rabu yaranmu biyu da shi kuma Walahi malam bayan mun rabu abun ya dameni naso yadawo amma Allah be ƙaddara ba, ina cikin jimami sai wani bawan Allah ya kirani dana ganema manufarsa akaina na ce masa ina cikin idda kar yaƙara kirana amma sai yake turo min da kati, ya zo yana ba almajirin gidanmu sako yana kawowa aba ma 'yata duk ina cikin idda. ka san rauninmu ni kuma sai na fara daga masa waya muna magana kafin in gama idda har mun yi maganar aure. Da na gama idda aka sa mar sadaki aka ɗaura mana aure. malam bari intaƙaice maka labari shi ma Tun da muka yi aure babu kwaciyar hankali Malam. Meye matsayin aurenmu?. Gaskiya malam labarin metsawo ne yanzu haka muna kotu da wannan sabon mijina kuma wallahi ba don Kuɗinsa ya sa na aureshi ba. asali ma tsohon mijina ya fishi sukuni. Wannan kwatakwata bai da kishi, be san hakkin iyalinsa ba. Matarsa tana yin abin da ta ga dama bai iya yi mata magana ga rashin kula da iyali. Ina zargin kaina saboda abin da na aikata malam dan Allah meye abunyi? inata istigfari malam ka taimake ni wallahi ina cikin damuwa.

𝐀𝐌𝐒𝐀❗

Wa alaikis salam wa rahmatullahi wa barakatuhu.

Tabbas kin aikata kurakurai masu yawa a cikin wannan abin da ya faru. Tun daga zamanki a gidan mijinki na farko, zuwa wannan na biyun:

1. Kin aikata abin da zai kawo zargi azuciyar mijinki.

2. Rashin neman hanyar da za ku daidaita da shi.

3. Zuwa wajen malamin duba.

4. Jefa ayoyin Alƙur'ani a cikin Masai.

5. Shirya maganar aure tun baki kammala iddah ba.

6. Rashin zaman lafiya da Mijinki na biyu.

7. Kaiwa Ƙararsa kotu.

Waɗannan laifukan gaba Ɗayansu manya ne. Amma Kaba'irori daga ciki sune zuwanki wajen boka, yarda da abin da ya fada, da kuma jefar da Takardar nan a cikin Masai (shadda). Sai kuma shirya maganar aure a cikin iddah.

Watakila wasu laifuka kike aikatawa irin na zargi, shi ya sa har Mijinki na farko yake zarginki ɗin. Sannan zuwa wajen boka, Manzon Allah Sallallahu Alaihi Wasallam Yace: "DUK WANDA ya je WAJEN BOKA KO ƊAN DUBA, KUMA YA YARDA DA ABIN DA YA FAƊA, TO HAKIKA YA KAFIRCE MA ABIN DA ANNABI MUHAMMADU (Sallallahu Alaihi Wasallam) YA ZO DA SHI". (Muslim ne ya ruwaito).

To kinga anan kalmar kafircewa ta hau kanki. Sannan kuma jefa takarda a cikin Masai, wacce watakila tana kunshe da Basmalah ko kuma wasu ayoyi na Alƙur'ani, Shi kam kafirci ne tsantsa.

Malamai sun ce duk wanda ya wulakantar da Alƙur'ani ko kuma wani sashe daga gareshi da gangan, to wannan ya kafirta, ya yi ridda.

Hakanan shirya maganar aure a cikin lokacin iddah, ana kirga wannan a cikin manyan laifuka. Watakila alhakin waɗannan manyan laifukan ne ya janyo miki rashin samun dacewa a cikin sabon auren da kikayi.

Shawarar da zan baki anan ita ce:

1. Ki tuba zuwa ga Allah (SWT) cikakkiyar tuba irin wacce Allah yake so.

2. Ki gyara halayenki yadda za ki iya zama lafiya da kowanne Miji.

3. Idan da hali kije ki nemi yafewar Mijinki na farko ɗin nan domin hakika kin cutar da shi.

4. Ki dena yawan yin shawara da 'yan uwanki mata. Musamman wannan Ƙanwar mahaifiyarki ɗin nan. Domin lallai za ta rika jefaki a cikin hallaka ne.

Daga karshe muna yi miki fatan Allah ya gafarta miki damu baki ɗaya. Allah ya daidaita miki lamuranki. Ameen.

WALLAHU A'ALAM.

Zauren Fatawoyi Bisa Alkur'ani Da Sunnah. Ku kasance Damu...

ƘARIN BAYANI

HUKUNCIN SIHIRI, WULAƘANTA ALKUR'ANI, DA YIN MAGANAR AURE A CIKIN IDDAH

Tambaya

Assalamu Alaikum Malam. Ina cikin damuwa da rudani. Ni da mijina na farko ba ma zaman lafiya saboda zargi, sai na biye wa shawarar ƙanwar mahaifiyata muka je gun wani malami a Katsina. Ya ba ni takardu na jefa a masai (shadda), wasu kuma na ƙona don a raba aurenmu, kuma hakan ya faru. Bayan mun rabu, ina cikin iddah wani ya fara turo min kati da kyaututtuka, har muka fara maganar aure kafin iddah ta ƙare. Bayan na gama, muka yi aure, amma shi ma yanzu babu zaman lafiya kuma ba shi da kishi ko kula da iyali. Shin mene ne matsayin aurenmu, kuma mene ne abin yi don neman gafara?

Amsa

Wa'alaikumus Salám wa Rahmatullāhi wa Barakatuh. Tabbas kin tafi babban kuskure wanda yake buƙatar tuba ta gaskiya (Taubatan Nasuha). Kin aikata ayyuka na ridda da kuma saɓawa ka'idojin aure na Musulunci. Ga bayanin dalla-dalla:

1. Zuwa Wajen Boka Da Yin Sihiri

Zuwa wajen boka don raba aure babban zunubi ne (Kaba'ir). Manzon Allah (S.A.W) ya bayyana cewa yin hakan yana fitar da mutum daga Musulunci idan ya yarda da bokan.

Hujja daga Hadisi:

 عَنْ أَبِي هُرَيْرَةَ رَضِيَ اللهُ عَنْهُ عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: «مَنْ أَتَى كَاهِنًا، أَوْ عَرَّافًا، فَصَدَّقَهُ بِمَا يَقُولُ، فَقَدْ كَفَرَ بِمَا أُنْزِلَ عَلَى مُحَمَّدٍ»

Fassarar Hausa: Daga Abu Hurairah (R.A), daga Annabi (S.A.W) ya ce: "Duk wanda ya je wa boka ko ɗan duba, ya gaskata abin da yake faɗa, to haƙiƙa ya kafirce wa abin da aka saukar wa Muhammadu (S.A.W)." (Sunan Abi Dawud: 3904).

2. Wulaƙanta Alkur'ani (Kafirci Tsantsa)

Jefa takardu masu ɗauke da ayoyin Alkur'ani ko sunayen Allah a cikin masai (shadda) aiki ne na kafirci wanda yake fitar da mutum daga Musulunci baki ɗaya. Malamai sun ittifaƙi cewa wulaƙanta Alkur'ani ridda ce. Dole ne ki yi kalmar shahada ki dawo Musulunci baki ɗaya.

3. Neman Aure Da Magana A Cikin Iddah

Allah ya haramta yin tayin aure ko maganar aure a sarari ga macen da take cikin iddah. Allah yana cewa:

Hujja daga Qur'ani (Suratul Baqara):

 ﴿وَلَا تَعْزِمُوا عُقْدَةَ النِّكَاحِ حَتَّىٰ يَبْلُغَ الْكِتَابُ أَجَلَهُ﴾

Fassarar Hausa: "Kuma kada ku ƙulla ƙudurin ƙulla auren (a cikin zukatanku) har sai takardar (iddah) ta kai ga ajalinta (ta ƙare)." (Suratul Baqara: 235).

Yin maganar aure har da tsara yadda za a yi kafin iddah ta ƙare babban kuskure ne, koda yake auren yana inganta idan an ɗaura shi bayan iddah ta ƙare (a ra'ayin mafi yawan malamai), amma albarkar auren tana raguwa saboda saɓon da aka fara da shi.

Matakai Da Za Ki Bi Don Gyara

1. Tuba Ta Gaskiya: Ki yi wanka, ki yi sallah raka'a biyu, ki yi kalmar shahada don sabunta Musuluncinki. Ki yi kuka ga Allah da neman gafara kan wulaƙanta ayoyinsa da kika yi.

2. Neman Gafara Gun Miji Na Fari: Hakika kin cutar da shi ta hanyar yin asiri don raba aurenku. Idan akwai dama, ki nemi gafararsa (ba lallai sai kin faɗa masa asiri kika yi ba, amma ki nemi ya yafe miki abubuwan da kika yi masa).

3. Kiyaye Mashawarci: Ki nisanci shawarar mutanen da ba su tsoron Allah, koda kuwa danginki ne. Wannan ƙanwar mahaifiyarki ta tura ki zuwa wuta ne, ba gidan dadi ba.

4. Haƙuri Da Halin Yanzu: Wannan rashin zaman lafiyar da kike ciki a yanzu, watakila sakamakon kura-kuran da kika aikata ne (Alhaki). Ki dage da istigfari, watakila Allah ya sassauta miki.

Allah Ya karɓi tubarki, Ya kuma baki zaman lafiya a rayuwarki.

ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ

WALLAHU A'ALAM.

https://t.me/TambayaDaAnsa

𝐖𝐇𝐀𝐓𝐒𝐀𝐏𝐏👇

https://whatsapp.com/channel/0029VaA8YpB42DcZdoRuCj3G

𝐅𝐀𝐂𝐄𝐁𝐎𝐎𝐊👇

Https://www.facebook.com/groups/336629807654177

**************************

Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.