Mutane da yawa sun ɗauka Shi'anci shi ne zagin Sahabbai kaɗai, alhali Shi'anci a bisa haƙiƙa, shi ne kishiyantar Addinin Muslunci.
Don haka ba abin mamaki ba ne
idan an danganta mutum ga Shi'anci, sai kuma a ji yana ɓatanci ga Hadisan Annabi (saw); Sahihul
Bukhari da Sahihu Muslim, yana cewa; a cikinsu -wai- an ruwaito Matar Annabi
(saw) ta fito tumɓur
sai bireziya.
Ko kuma ya ce: Matan Annabi (saw)
suna yawo kamar ƴan mammy market.
Yanzu miye abin mamaki don ka ji
wanda ake cewa; dan shi'a ne, amma yana ƙaryata Azaban Ƙabari?
Aƙidun Mu'utazilawa fa gaba ɗaya Ƴan Shi'a sun ɗiba sun juye a cikin
jakarsu ta Aƙida.
Shi Addinin Shi'a, Addini ne da
duk wani Zindiƙi mai son rusa Addini yake shiga cikinsa, ya laɓe a bayansa yana ɓarna da sunan Addini.
Babban misali a kan haka shi ne Abdullahi ɗan
Saba'i. Wannan mutumi Bayahude ne, ya shiga Muslunci a matsayin Munafuki, ya
fake da shi'ancin son Aliyu (ra), ya shigo da Aƙidun Yahudanci cikin al'ummar Musulmi.
Bayan haka ka ɗauki Sarakunan Daular
Ubaidiyya, daular da aka kafa a arewacin Afirka da ƙasar Misra, suka fake da
shi'anci, suka danganta kansu ga Fatima (ra), har ake kiran daular tasu da
sunan Daular Faɗimiyya,
alhali babu irin zindiƙanci da ilhadi da ɓarnar
da ba su yi ba. Har sai da suka ba ma sarakunan nasu matsayin Allah.
Kuma ka bibiyi tarihin waɗanda suka shahara da zindiƙanci,
za ka samu galibi sun fake da shi'anci da ƙaryar son Ahlul Baiti.
Saboda haka shi Addinin Shi'a
haka yake, tunga ne na mabarnata da miyagu da zindiƙai da mulhidai. Mutum maƙiyin
Addini, maƙiyin
Allah da Manzonsa, mai nufin lalata Alƙur'ani da Sunna da Shari'ar Allah sai ya
zo ya nuna shi Ɗan Shi'a ne, yana son Aliyu (ra) da Ahlul Baiti, sai kuma ya
yi ta ɓarna don ya
rusa Addini.
To, amma sai dai abin da irin waɗannan zindiƙan ba
su sani ba, ƙarya
fure take ba ta ƴaƴa. Ba yau aka fara faɗa
da Addini ba. Da a ce; zindiƙai za su ci nasara a kansa da bai iso
gare mu ba. Amma Allah ya yi alƙawarin zai cika haskensa ko da kafirai
sun ƙi.
Don haka karanta Hadisan Bukhari
da Muslim da gaskata su yanzu zamu fara, tare da ƙudurta cewa; babu littafi mafi inganci a
Muslunci - bayan Alƙur'ani - sai Sahihul Bukhari, sai kuma Sahihu Muslim.
Dr. Aliyu Muh'd Sani (H)
Daga zauren Dr. Aliyu Muhammad Sani
0 Comments
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.