Jinin Al'ada Yana Min Wasa Silar Family Planning

TAMBAYA (52)❓

Assalamu alaikuma, dama tambayar tawa an yi min planing ne taxarar haihu jini kuma yana yi min wasa nayi kokarin na hakura da planing din amm hakan be yiyuwaba sakamakon cs da aka yimn 2times a ynx haka ban yi sati biyu dagama al'ada sai ga sabin jini kuma har yana bin cinyoyina mene ne matsayin wnn jini, sanna kuma ni bana al'ada 2times a wata daya

AMSA❗

Waalaikumussalam, Warahmatullahi, Wabarakatuhum. Idan kin kasance alal misali kina jinin haila na kwana 6 a farkon kowanne wata kuma yana daukewa to jinin da ya biyo baya wannan ba jinin haila bane, na istihala ne. Da hujjar hadisin Nana Aisha (RA) tace: Fatima Abi Hubaish ta tambayi Annabi (SAW): Na kasance ina zubar da jini a tsakanin jinin aladata. Zan daina sallah idan naga jinin ? Sai Annabi SAW ya ce: "A'a zaki daina sallah ne kadai a lokacinda kike jinin alada idan kin tsarkaka sai ki ci gabada sallolinki" Bukhari, Volume l, P.194, Hadith # 322

ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ

JININ AL'ADA YA RIKICE MIN SILAR FAMILY PLANNING

TAMBAYA (219)❓

Assalamu alaikum. Malam ina wuni ansha ruwa lfy

Malam dan allah ina da tambaya ina fama da riki cewar alada sakamakon allurar da nake yi ta wata biyu to sai jini ya yi ta yi man wasa tun da watan nan yashigo dakar inyi sati banka jini ba kuma daya xo ba xai wuce awa daya ba xai dauke. ko 28 ga watan nan yazo kuma kafin inyi sahur ya dauke na dauki azumi na ban koma gani nai ba kuma sai yau da rana amma ban kare azumi na ba saboda ina tunanin na rashin lfy ne malam dan allah tambaya ta anan shin koya xo in cigaba da azumina tunda nasan ba na al ada tane ba san nan duk naganeshi dole xan yi wankan tsarki ko ba xanyiba ngd malam allah ya taimaka

Koma malam idan allah ya yar da zanje umarar axumi nan xan iya shiga masallaci koda ina cikin wannan matsala

AMSA❗

Waalaikumus salam

Amsarki tana cikin hadisin Nana Aisha (Radiyallahu anha)

Wata jijiyace take tsinkewa silar family planning din shiyasa kike fitarda wannan jinin

Kinga kenan anan zaki tsaya iya kwanakin da kika saba haila ne

La'akari da kafin ki sha maganin planning din kinsan adadin dadewar da kike kina haila ko ?

Duk abinda ya qaru daga yanda kika saba to wannan ba aladah bace ba shi ake kira da jinin Istihada wato cuta

Idan kwana 5 kike kuma ya zo to za ki ci gaba da ibadarki ne

Amman duk jinin da ya biyo bayan kwanaki 5 dinnan to na cuta ne

Kingane ?

Saboda da ace za ki daina shan naganin family planning din to zaki koma ne yanda kike normal al'adah

Saboda Annabi Sallallahu alaihi wasallam haka yacewa sahabiya Fatimah Bintu Abi Hubaysh (Radiyallahu anha): Idan jinin ya qaru sai ki dakata idan kuma ya ragu kema sai ki tsaya

Idan kuma ya zo a dan kankanin lokaci kamar a cikin awa 1

Sai Abdullahi Ibn Abbas (Radiylahu anhu) yace sai ta dakatar da sallah iya na wannan lokacin idan ya dauke ta ci gaba da sallarta haka idan ya dawo washegari har zuwa adadin kwanakin da kika saba hailar suka wuce

Suna wucewa sai ki ci gaba da ibadarki ragowar jinin ya zama jinin cuta

Dangane da batun shiga masallachi kuma in dai kina jinin al'adah to bai halatta ki shiga masallachi ba dogaro da hadisin Umm' Atiyyah (Radiyallahu anha) da tace Annabi (Sallallahu alaihi wasallam) ya hana mace mai al'adah shiga masallachi

* Al-Bukhari (974) da kuma Muslim (890)*

Haka kuma Annabi (Sallallahu alaihi wasallam) ya umarci mata da su dinga zuwa sallar Idi don Ibadah da ambaton Allaah amman ban da mata masu jinin al'adah

A duba Fatawa At-Taharah, p. 273. Haka kuma Malaman fiqhu sun kawo hujjojin hadisin, idan kika duba cikin: Mala Al-Mabsut, 3/153; Hashiyat Ad-Dusuqi, 1/173; Al-Majmu`, 2/388; da kuma Al-Mughni, 1/195

Wallahu taala aalam

Amsawa:

Usman Danliti Mato (Usmannoor_Assalafy)

Zauren Fatawoyi Bisa Alkur'ani Da Sunnah. Ku kasance Damu...

**************************

Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.