Shaiɗan Ya Shiga Tsakanina Da Budurwata Mun Taɓa Juna

𝐓𝐀𝐌𝐁𝐀𝐘𝐀❓

Assalamu alaikum, Malam Ina Maka fatan alkhairi duniya da lahira. Malam na kasance muna soyayya da wata yarinya, mun jima muna tare bamuyi aure ba sai yanzu muke shirin auren. Malam kwananan Shaiɗan ya fara shiga tsakanin mu har mun fara taɓa juna amma yanzu Inshã Allah na daina. na rage zuwaa wajenta sabida hatsarin dake cikin hakan. Dan Malam Ina neman addu'arka da shawaranka kafin ace an saka mana ranan aure. Nagode Allah ya haɗa Mu cikin rahamar sa ya kuma gafarta Mana.ameeen.

𝐀𝐌𝐒𝐀❗️

Wa alaikumus salam wa rahmatullahi wa barakatuhu.

Allah Maɗaukakin Sarki da ya haliccemu ya ajiye wasu amanoninsa ajikinmu. Daga cikin waɗannan amanonin akwai hannayenmu,  Qafafunmu, Jinmu, ganinmu, Tunaninmu, Har al'aurorinmu.

Daga lokacin da ka ɗauki wani abu cikin waɗannan abubuwan ka saɓa ma Allah dashi, to hakika kaci amanar Allah kenan. Shi yasa aranar Alqiyamah Allah zai tsayar dakai agaban Zatinsa, sannan ya sanya gaɓoɓin jikin naka su rika bada shaida bisa dukkan ayyukanka.

Kaji tsoron Allah ka tuna cewa yana nan tare dakai aduk inda kake. Kuma zai iya ɗaukar ranka aduk sanda yaso. Idan kana gadarar cewa zaka tuba, Ai Allah zai iya ɗaukar ranka kafin ka tuba ɗin. Don haka kaji tsoron Allah ka dena Kokarin aikata Zina.

Manzon Allah ﷺ ya ce : "A SOKA MAKA KIBIYAR BAQIN QARFE ACIKIN KANKA, SHI YAFI ALKHAIRI GAREKA FIYE DA KA SHAFI JIKIN MATAR DA BATA HALATTA GAREKA BA".

Kamar yadda ba zaka so a aikata hakan da 'Yarka ko Qanwarka ko yayarka, Ko Mahaifiyarka ba, to itama wannan yarinyar ai 'Yar wani ce, Qanwar wani ce, Kuma watarana zata zama Uwar wani.

Idan har kuka ci gaba da aikata wannan abin, to lallai kun zubar da dukkan albarkar auren. Don haka itama kaja kunnenta ku dena wannan abun.

Koda ka biya sadakinta, Koda an sanya muku rana, bata halatta gareka ba, har sai bayan an daura muku aure.

Allah ya shiryeku ya shiryemu baki ɗaya, ya gafarta mana, ya gyara dukkan ayyukanmu.

WALLAHU A'ALAM.

Zauren Fatawowi Bisa Alkur'ani Da Sunnah. Ku kasance Damu...

𝐖𝐇𝐀𝐓𝐒𝐀𝐏𝐏👇

https://chat.whatsapp.com/Cnf26Q8MPqz9yUYU1nxqRq

𝐓𝐄𝐋𝐄𝐆𝐑𝐀𝐌👇

https://t.me/TambayoyiDaAmsoshi

𝐅𝐀𝐂𝐄𝐁𝐎𝐎𝐊👇

Https://www.facebook.com/groups/336629807654177