Ita dai Dimukuraɗiyarmu,
A Kano ribarta gunmu,
Shi ne raba kawunanmu.
Baƙar gaba da sharri,
Ta kawo nan jiharmu,,
Ta dasa a cikin gidanmu.
Ta raba mu da 'yan uwanmu,
Majiɓunta rayuwarmu,
Masu amfani gare mu.
Malamanmu sarakunanmu,
Tajirai da dukkan matasa
Ta rarraba kawunanmu.
'Yan siyasa masu mulki,
Ke amfana gare ta,
Da yawanmu muna ta gaba.
A Kano tuni na fahimta,
Wannan tsari na mulki,
Tarko ne mu gare mu.
Tarbiyya al'adunmu,
Ke rusawa da sannu,
Gobara sai mu gane.
Ya Allah ga Kanonmu,
Wutar gaba ƙiyayya,
Ta siyasa don Habibu.
Ka kashe mana ya Tabara,
Kasa jama'ar Kanonmu,
Su dawo hayyacinsu.
Mu daina biyewa gaibu,
Muna sara da sukar,
Cikinmu muna kirari.
' Yan uwa ne mu dukkanmu,
Addini ya haɗe mu,
Jiha duka ta haɗa mu.
Khalid Imam naku,
Ke jawo hankulanmu,
Mu mai da wuƙa kubenta.
Shi ci gaba babu shakka,
Bai da taki sai haɗin kai,
Na sa aya a nan gun.
Malam Khalid Imam
08027796140
khalidimam2002@gmail.com
){kind=link}
0 Comments
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.