Ticker

6/recent/ticker-posts

Sabon Aure Ba Ya Goge Tsofaffin Saki Da Suka Riga Suka Faru

𝐓𝐀𝐌𝐁𝐀𝐘𝐀❓

Aassalamu alaikum. Ina wuni malam. Dan Allah ina da tambaya ne. Mijina ya sake ni sau biyu, Sai na fita idda sai ya dawo ya biya kudin sadaki aka sake daura sabon aure. To ya wannan auran yake yanzu, Matsayin igiya nawa yake?

𝐀𝐌𝐒𝐀❗️

A addinin Musulunci, igiyar aurenku guda ɗaya ce ta rage a yanzu. Da ya dawo ya biya sabon sadaki aka sake daura muku sabon aure, kun sabunta zamantakewa ne. To amma, a mazhabar Malikiya (wacce aka fi amfani da ita a kasashenmu), sabon aure ba ya goge tsofaffin saki da suka riga suka faru. Saboda haka, tunda an riga an yi saki biyu a baya, yanzu igiyar aure guda ɗaya ce kacal ta rage muku. Idan ya sake yin saki ɗaya a yanzu, aurenku zai tashi gaba ɗaya kenan zai zama saki uku kuma ba za ku iya sake komawa ga juna ba har sai kin auri wani mijin na daban da gaske ba da nufin tazarce ba, ya aure ki ya sake ki ko ya rasu kafin ku iya komawa da tsohon mijinki.

Matar da mijinta ya sake ta saki biyu, lokacin da ta gama idda sai wani ya aure ta, daga baya shi ma ya sake ta, ko ya rasu, sai mijin can na farko ya dawo ya ƙara aurenta, to a yanzu igiyar aurenta da mijin farkon can ya zama saura igiya ɗaya ne ba uku ba, auren ta da miji na biyu ya yi ba shi da tasiri wurin canja lissafin igiyoyin aurenta da miji na farko, kamar yadda malamai suka bayyana.

Idan kuma lokacin da mijinta na farko ya sake ta igiyoyin aurensu dama sun ƙare, wato saki uku sun ƙare, to bayan ta auri miji na biyu, idan ya sake ta kuma ta gama idda, ko ya rasu, to a wannan yana yi idan mijinta na farko ya sake auren ta, igiyoyin aurensu za su zama guda uku ne cif, wato ta zama tamkar wacce bai taɓa auren ta ba kenan.

Don neman daɗin bayani a duba Almugniy (7/504, 506), ko a duba Assharhu Almumti'u Ala Zádil Mustaƙni'i (13/197).

WALLAHU A'ALAM

Zauren Fatawoyi Bisa Alkur'ani Da Sunnah.

ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ

WALLAHU A'ALAM.

https://t.me/TambayaDaAnsa

𝐖𝐇𝐀𝐓𝐒𝐀𝐏𝐏👇

https://whatsapp.com/channel/0029VaA8YpB42DcZdoRuCj3G

𝐅𝐀𝐂𝐄𝐁𝐎𝐎𝐊👇

Https://www.facebook.com/groups/336629807654177

**************************

Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.

Question and Answers in Islam   

Post a Comment

0 Comments