A cewar binciken da aka yi, "goro" da ake magana a kai a yawancin lokuta yana nufin goron gargajiya (kola nut), ko da yake akwai wani nau'in da ake kira "namijin goro" wanda ya bambanta da shi. Goro na gargajiya shi ne wanda aka fi sani da amfaninsa ga lafiya da kuma rawar da yake takawa a al'adu.
An bayyana amfanin goro na gargajiya ga lafiya kamar haka:
· Magance ciwon kai musamman nau'in migrain
· Magance gajiya
· Rage kiba
· Kara kuzari saboda yana da sinadarin caffeine
· Hana amai da kawar da jiri
· Magance mura da sauran cututtukan da suka shafi hanci da makogwaro
· Kara karfin garkuwar jiki na jiki
Akwai kuma wani itace da ake kira "namijin goro". Ko da yake suna kama da goro na gargajiya, amfaninsa na lafiya ya bambanta. Ana amfani da shi a magungunan gargajiya don magance kumburin jiki, amma bincike ya nuna cewa bai dawo da karfin maza ba a lokacin mu'amalar aure, kuma yin amfani da shi ba daidai ba ne a nan fannin, yana iya rage yawan maniyyi.
Hanyoyin Amfani Da Goro
Mutane suna amfani da goro ta hanyoyi daban-daban domin amfanin lafiyarsa:
· Ana iya cinsa kawai ko a hade shi da tom-tom ko dabino ta hanyar niƙa su tare.·
. Don shan magani, ana iya daura ruwa a wuta sannan a daka namijin goro a zuba a ciki. Goro yana da sunaye daban-daban da ake kiran sa da shi.
WASU SUNAYE NA GORO
1. Ashaliya
2. Fari
3. Jan Fari
4. Ja
5. Tsanwa
6. Daushe
7. Dan Ankara
8. Dan Marake
9. Goron biri
10. Farsa
11. Cambe
12. Tsinta
13. Tiryasi
14. Menu
15. Marsa
16. Kurma
17. Na Gini
18. Dan Abuja
19. Kwar uku
20. Hannun ruwa
21. Goron matar Baushi
22. Goriya (namijin goro)
23. Lallen shamuwa
24. Kwaru-kwaru
25. Kwantakwaloso
26. Amangwaro
27. Saran Waga
28. Kwali
29. Sabon goro
30. Dan Ujili
31. Dan Mariri
32. Kitsen damo
33. Mai hula
34. Zuma
KIRARIN GORO
Goro dan itaciya mai daraja.
Goro sha ruwa sha dauri.
Goro dan Ilesha dan Shagamu.
Goro bakon garin Kano dan Kurmi.
Goro daure mai daure ka ko don dole.
A birni ya ci gida, a kauye ya ci gonar gado.
Sana,ar goro ta fi aikin soja.
Tallar goro ta fi noma wahala.
In kuma anyi gardama a fara a gani.
Kowa ya ga uwar goro ya yi nisa da gida.
0 Comments
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.