Raka'atal Fajri (Raka'o'i Biyu Na Alfijir)

𝐓𝐀𝐌𝐁𝐀𝐘𝐀❓

Assalamu alaikum. Malam dan Allah ina so a min bayani ne a kan raka'atainil fajir. Da wani lokaci ake yin ta. Ana ba da sallar Asuba ce ko yaya? Ina son qarin bayani sosai malam. Mu wuni lafiya, na gode.

𝐀𝐌𝐒𝐀❗️

Wa'alaikumus Salam. Raka'atal Fajri sallah ce mai raka'o'i guda biyu da ake yi bayan Alfijir ya keto, wato yayin da lokacin sallar Asubahi ya shiga.

Raka'atal Fajri Sunnah ce ba farilla ba. Annabi Sallallahu alaihi Wasallam ya faɗi falalarta a hadisin Nana A'isha Allah ya qara mata yarda, wanda Imamu Muslim ya ruwaito, a hadisi mai lamba 725, inda Annabi Sallallahu alaihi Wasallam yake cewa

ركعتا الفجر خير من الدنيا وما فيها.

Raka'o'i biyu na sallar Alfijir sun fi duniya da abin da ke cikinta.

Sannan kuma ba a yin Raka'atal Fajri sai bayan ketowar Alfijir, kafin a yi sallar Asubahi, kuma sallah ce da ake taqaita karatu a cikinta, wato Annabi Sallallahu alaihi Wasallam bai yin dogon karatu a cikinta, yana taqaitawa ne.

Haka kuma idan mutum ya saba yin Raka'atal Fajri kullum, sai wata rana barci ya rinjeye shi ba laifi ya rama ta bayan ya idar da sallar Asubahi ko da gari ya yi haske, Saboda an yi hakan a gaban Manzon Allah Sallallahu alaihi Wasallam bai hana ba.

Allah ne mafi sani.

Jamilu Ibrahim Sarki, Zaria.

Zauren Fatawoyi Bisa Alkur'ani Da Sunnah. Ku kasance Damu...

ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ

**************************

Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.

𝐖𝐇𝐀𝐓𝐒𝐀𝐏𝐏👇
https://whatsapp.com/channel/0029VaA8YpB42DcZdoRuCj3G

𝐅𝐀𝐂𝐄𝐁𝐎𝐎𝐊👇
Https://www.facebook.com/groups/336629807654177

𝐓𝐄𝐋𝐄𝐆𝐑𝐀𝐌👇

 https://t.me/TambayaDaAnsa