Yakasai, S. A. & Sani, A-U. (2021). Diwanin Waƙoƙin Aminu Ladan Abubakar (ALA). Kaduna: Amal Printing & Publishing Nigerian LTD. ISBN: 978-978-57624-9-0.
Amshi
Waƙar tambarin amarsu da ango ni nake,
Soyayya a kai a yau ɗaurin aure muke.
Dukkan lokaci yana tafe kan rana yake,
Duk al'ammari yana bisa kan ƙaidi yake,
Kowane sha'ani a kan sharaɗoɗi nai yake,
A yau alƙawari na aure yau ranar take.
Yau ranarku ce amarsu ta ango yau ake,
Yau shagalin biki amarya ta ango ya ku ke,
So da farin ciki a gunku a yau duka sun fake,
Zangon rayuwa mataki na biyu yau ake.
Farko rayuwa ta macce ka san abba take,
Kun san rayuwa ta tarbiya ahli suke,
Sai kuma rayuwa ta aure wacce a yau ake,
Ƙarshen rayuwa ta macce a gun ‘ya’ya ta ke.
Kin dacen uba mahaifi son kowa yake,
Kin dacen uwa abar faharin kowa take,
Kin dacen miji dukanku ɗiyan asali kuke,
Yau ranarku ce kawai taya murna mu muke.
.jpeg "Daga Diwanin Waƙoƙin Aminu Ladan Abubakar (ALA)")
.jpeg&description=Tambarin Amarsu Da Ango){kind=link}
0 Comments
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.