Shin Wajibi Ne Mace Ta Tayar Da Iqama Idan Za Ta Yi Sallah?

𝐓𝐀𝐌𝐁𝐀𝐘𝐀❓

Assalamu alaikum warahamatullahi. Malam mace za ta yi sallah toh sai aka ce ba lallai ba ne sai ta ta da iƙama kawai Allahu akbar zatace sai tafara karatun sallah? Wai shin wannan ya halatta ko dole sai ta ta da wannan iƙama?

𝐀𝐌𝐒𝐀👇

وعليكم السلام ورحمة الله.

ﺍﻟﺤﻤﺪ ﻟﻠﻪ ﺭﺏ ﺍﻟﻌﺎﻟﻤﻴﻦ ، ﻭﺻﻠﻰ ﺍﻟﻠﻪ ﻋﻠﻰ ﺳﻴﺪﻧﺎ ﻣﺤﻤﺪ ﻭﻋﻠﻰ ﺁﻟﻪ ﻭﺻﺤﺒﻪ ﺃﺟﻤﻌﻴﻦ، ﻭﺑﺎﻟﻠﻪ ﺍﻟﺘﻮﻓﻴﻖ،

Anyi tambaya ga kwamitin ba da fatawa na kasar Saudiyyah cewa shin an wajabta ma mace a shari'ah ta yi iƙaamah idan tana jagorantar wasu mata a sallah? Sai suka amsa da cewa: ba a wajabtawa mata yin iƙaamah ba a sallah ko da mace na sallah ita kaɗai ko mace daya tana jagorancin wasu mata a jam'i, kamar yadda ba a shar'anta musu yin kiran sallah ba. (Fataawa al-Lajnah al-Daa’imah, 6/84).

An tambayi Shaykh Ibn Baaz (rahimahullah) cewa "Shin ya halatta ga mace ta yi Kiran sallah da Iƙaamah a sallah ko bai halatta ba??" Sai Shaykh ya amsa cewa: ba a shar'anta Wa mata yin kiran sallah ko Iƙaamah ba, amma wannan ga maza ne. Da kiran sallah da Iƙaamah babu dayansu da aka shar'anta ga mata, Kawai za su yi sallarsu ne babu kiran sallah babu iƙaamah. (Majmu'ul Fataawa wa Maƙaalaat Mutanawwi’ah, 10/356)

والله أعلم،

 SHIN ITAMA MACE ZA TA DINGA TADA IƘAMA NE KAMAR NAMIJI

TAMBAYA (211)❓

Assalamu alaikum.malamai barkan ku da warhaka dan Allah Ina da tambaya akan sallah. tambayar itace kamar haka mlm yaya mafarin sallar farillah na mace shinzata tada ikamane kokuma za ta yi niyane kamar sallar nafilah?

AMSA❗

Waalaikumus Salam Warahmatullahi Wabarakatuhu

An tambayi Committeen Fatawa na Saudiyya: shin ya halatta a shari'a mace ta tada iqama yayin da take Jan Mata a sallah

Suka ce: "Baa shar'anta mace ta yi iqama ba ko za ta ja Mata salla ko kuma ita kadai zatayi sallah ba kamar yanda ba'a shar'anta musu suyi Kiran Sallah ba"

(Fatawa Al-Lajnah Ad-Da’imah, 6/84)?

An tambayi Marigayi Shaikh Abdulaziz Bin Baaz (Rahimahullah), shin ya halatta mace ta yi Kiran sallah da Kuma iqama a sallarta

Ya ce: "Baa shar'anta Kiran sallah ga mata ba, wadannan maza aka shar'anta wa

(Majmu` Fatawa wa Maqalat Mutanawwi`ah, 10/356)

Wallahu ta'ala a'alam

Amsawa:

Usman Danliti Mato (Usmannoor_Assalafy)

Zauren Fatawoyi Bisa Alkur'ani Da Sunnah. Ku kasance Damu...

Ku Kasance Damu Cikin Wannan Group Domin Ilimantarwa Tare Da Faɗakarwa a Sunnah.

SHIN DOLE NE SAI MECE TA TA DA IƘAMA A YAYIN DA ZA TA YI SALLAR FARILLA

TAMBAYA ❓

Assalamu Alaikum malam ya gida. Allah y taimaka ya kara klimi malam dole ne idan macce ta zo Salah. Sai ta ta da ikama

AMSA❗

Wa'alaikumus salamu wa ramatullah.

ALHAMDULILLAH, salati da aminci su tabbata ga Manzon Allah (Sallallahu Alaihi Wasallam), da iyalansa da sahabbansa gaba ɗaya.

Malamai sun yi sa ba ni kan ko mace za ta yi iƙama da kiran sallah (adhan) idan tana sallah ita kadai ko tare da wasu mata.

Wasu sun ce ba wajibi ba ne a gare su yin kiran sallah ko iƙama, saboda hadisin da Al-Bayhaƙi ya ruwaito daga Abdullah ɗan Umar (Allah ya yarda da su), ya ce:

Ba ya kan mace yin kiran sallah da iƙama ba.

Dalili kuwa shi ne, asalin kiran sallah ana yin sa ne domin sanarwa, kuma ba a halattawa mata su yi irin wannan sanarwar da ƙara ba. Saboda kiran sallah yana buƙatar ɗaga murya, amma shari'a ba ta so mace ta ɗaga murya da irin wannan salo. To, duk wanda ba a shar'anta masa yin kiran sallah ba, to ba a shar'anta masa iƙama ba ma — kamar wanda bai shiga sallar ba ko wanda ya samu jama'a suna tsaka da salla kawai zai shiga salla ne kai tsaye tare da kabbarar harama, ba tare da iƙama ba.

Sai dai Imam Ash-Shafi'i da Ishaƙ sun ce:

Idan mata suka yi kiran sallah da iƙama, babu laifi.

Haka ma Imam Ahmad ya ce:

Idan suka yi — to babu laifi, idan kuma ba su yi ba — shi ma yana da kyau.

Domin kuwa an rawaito daga Ummul Mu'minin A'isha (Radiyallahu Anha) cewa:

Tana yin kiran sallah da iƙama, sannan tana jagorantar mata sallah, tana tsaye a tsakiya tsakaninsu.

(Wannan hadisin Al-Bayhaƙi ne ya ruwaito shi).

Saboda haka, babu laifi mace ta yi kiran sallah da iƙama, ko tana sallah ita kaɗai, ko tare da wasu mata. Amma abin da ya fi kyau shi ne ta yi hakan cikin sirri (ba tare da ɗaga murya sosai ba). Don haka Malam Khalil ya ce a cikin Mukhtasar ɗinsa:

Idan mace ta yi iƙama cikin sirri, to hakan yana da kyau.

Amma idan tana sallah tare da mijinta, to mijin ne zai yi iƙama, domin wannan abu na cikin aikin namiji ne, ba mace ba.

Kuma Malam Al-Khaɗib Ash-Shirbini ya ce:

Ba ya inganta ga mace ta yi kiran sallah ga maza ko khuntha (wanda ba a tantance jinsinsa ba), kamar yadda ba ya halatta ta jagorance su a sallah.

Mace ba wajibi ba ne ta yi iƙama kafin ta yi sallah.

Idan ta yi, sunnah ce kuma tana da lada.

Idan ta bari, sallarta ingantacciya ce in sha Allah.

Allah ne mafi sani.

Zauren Fatawoyi Bisa Alkur'ani Da Sunnah. Ku kasance damu cikin wannan group domin Fadakarwa... 

𝐓𝐄𝐋𝐄𝐆𝐑𝐀𝐌👇

https://t.me/TambayoyiDaAmsoshi

𝐅𝐀𝐂𝐄𝐁𝐎𝐎𝐊👇

Https://www.facebook.com/groups/336629807654177

𝐖𝐇𝐀𝐓𝐒𝐀𝐏𝐏👇

https://chat.whatsapp.com/J1hm5Tw12uYBƙfaiPwf28l

ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ

Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.