Wai me ya sa ake jarrabar mata a gidan aure?

𝐓𝐀𝐌𝐁𝐀𝐘𝐀❓

Asssalamu Alaikum Malam. Wai me ya sa ake jarrabar mata a gidan aure?

𝐀𝐌𝐒𝐀❗️

Babu shakka Aure shi ne mafi girman ibada da Allah S.W.T ya karrama macce da ita, kuma Allah ya yi mata kwallia da shi a tsakan-kanin tsarekunta. Lallai daraja mai tsada irin wannan bazai yiwu Shaiɗan ya zurawa mata ido a kanta ba. Domin Riwaya Ta Tabbata Cewa Sahabiyya Asma'u Bint Yazeed (R.a) Taje Wajen Shugaba ﷺ alhalin yana tsakiyar sahabbansa. Sai ta ce: Haƙiƙa Allah ya aikoka ne zuwa Maza da Mata, mun bika munyi imani dakai, Amma mu mata muna da rauni, muke gadin gida, mune ma'ajiyar sha'awar maza, muyi rainon 'ya'yansu Sannan su kuma maza an ƙara fifitasu da sallar Juma'a, Jam'i, Sallar Gawa da kuma fita jihadi, shin zamu samu lada irin nasu ya Manzon Allah? ﷺ sai Annabi ﷺ ya waiga wa sahabbansa ya ce dasu: "shin kun taba jin wata mace da takai wannan iya kyakkyawar tambaya a kan addininta?" sai sukace: "wallahi bamuyi zaton mace na samun shiriya irin wannan ba. sai shugabanmu ﷺ ya juyo gareta yana mai cewa: "Asma'u ki koma ki sanar da matan da ke bayanki cewa: duk wacce ta kyautata zamantakewarta da mujinta, kuma take faranta masa don samun yardarsa, kuma ta bishi cikin umarninsa, haƙiƙa za ta samu duk irin ladan da maza ke samu" sai Asma'u Bint Yazeed ta juya cikin farin ciki sai hailala takeyi tana yin kabbara saboda wannan bushara data samu wajen Annabi Muhammad ﷺ.

Yanzu 'Yar Uwa Kina Zaton Shaiɗan Zai ƙyaleki da ibada 1 tak da a ƙarƙashinta za ki samu wannan romon???

lallai a cigaba da haƙuri gami da JURIYA A cikin zamantakewar auredon bawa shaiɗan kunya da kuma samun Yardar Allah.

Don kin yi imani, hakan ba shi ne yake nuna cewa shikenan Allah buwayi bazai jarabceki ba, dole akwai ranar da zai jarabceki domin ya bayyanar da imanin ki gareshi"

ALLAH BUWAYI YA CE:

"Ashe, mutãne sun yi zaton a barsu su ce: "Mun yi ĩmãni," alhãli kuwa bã zã a fitine su ba?" al-`ankaboot 2

Yaa Allah ka jarabcemu daidai yadda imanin mu zai iya ɗauka, Ameen.

WALLAHU A'ALAM

Ga Masu Buƙatar Shiga Wannan Group Zaku iya bi ta Links ɗin mu...

𝐖𝐇𝐀𝐓𝐒𝐀𝐏𝐏👇

https://chat.whatsapp.com/Fb6ƙgYPXfEeHb8CD1SWAkK

𝐅𝐀𝐂𝐄𝐁𝐎𝐎𝐊👇

Https://www.facebook.com/groups/336629807654177

𝐓𝐄𝐋𝐄𝐆𝐑𝐀𝐌👇

https://t.me/TambayoyiDaAmsoshi