𝐓𝐀𝐌𝐁𝐀𝐘𝐀❓
Assalamu alaikum Malam khamis barka da Safiya da fatan ka tashi lafiya. Malam Khamis mace ce mai aure ta yi zina dawani a lokacin sai ciki ya shiga, shin ya halatta ta zubar cikin ko za ta kyale shi, idan ta kyale cikin shin za ta baiwa mijinta labari ko ba zata bashi ba? Idan ta haihu shin yaron na mijin aure ne ko na wanda ya yi zinar da ita? Na gode Allah ba da ikon amsawa.
𝐀𝐌𝐒𝐀❗️
Wa alaikumussalam
warahmatullahi wabarakatuh.
Babu makawa abun da kin
aikata na zina kina matar aure yana cikin manyan laifuka, koda zina zunubi ce
maigirma ita kaɗai to girman zunubin
nakaruwa idan aka ce mai aure ta yi zina, shiyasa ma hukuncin mazinacin da bai
taɓa
aure ba shi ne bulala 100, wanda kuma yake da aure ko yataɓa
aure shi ne ajefeshi harsai ya mutu.
Allah Yana cewa
وَلَا
تَقۡرَبُوا۟ ٱلزِّنَىٰۤۖ إِنَّهُۥ كَانَ فَـٰحِشَةࣰ وَسَاۤءَ سَبِیلࣰا
Kuma kar ku kusanci zina, haƙiƙa
ita alfasha ce, kuma mummunar hanya ce. (Surah Al-Israa’i: 32).
Hakika kin tafka babban
kuskure. Domin zina tana cikin Kaba'irori wato zunubai mafiya girman laifi
awajen Allah. Manzon Allah Sallallahu Alaihi Wasallam Ya ce: "Bayan yin
shirka da Allah, babu wani zunubi mafi girman laifi kamar maniyyin da namiji ya
sanyashi a cikin mahaifar matar da ba ta halatta gareshi ba".
Imamuz zahaby ya kawo a cikin
littafinsa Alkaba'ir cewar duk Wanda ya yi zina da matar aure za a yi musu
azaba (da shi da ita) Rabin azabar wannan al'umma.
Manzon Allah (Sallallahu
Alaihi Wasallam) Ya ce: “duk matar da ta shigo ma wasu mutane ɗan
wani wanda ba cikinsu yake ba, to ita ba komai bace Awajen Allah. Kuma (Allah)
ba zai shigar da ita aljannarsa ba… “ (Nisa’iy hadisi na 3481, Abu Dawud Hadisi
na 2263).
Duk macen da ta yi zina
alhalin tana da aure haƙiƙa ta ci amanar mijinta kuma tabbas sai
Allah ya bi ma sa haƙƙinsa
a ranar alƙiyamah matuƙar be yafe mata ba. Saboda haka ki nemi
yafiya a wajen mijinki cikin salo ba tareda ya gane abin da kika aikata ba.
kinga anan gayawa mijin naki
cewa kinyi zina yayafe miki wannan babu shakka maslaha ne, to amma kuma bakida
tabbacin cewa mijin zai hakura yayafe miki kuma yaci gaba da zama dake bayan
kin gaya masa, kekanki zaki riƙa
tunanin infa kika gaya masa kinyi zina ze iya cewa ya sake ki, wanda sakin
shikuma ɓarna
ce, bayan sakin kuma waɗanda basu san kinyi wannan
zinan ba duk sesun sani musamman iyayenki kuma mutuncinki zai zube kinga wannan
duk ɓarna
ce, sannan kuma kin tonama kanki asiri bayan Allah ya rufa miki.
Dan haka malamai suka ce
wacce tasamu kanta a cikin irin wannan halin to kawai taroƙi mijin yayafe mata dukkan laifukan da ta
yi masa waɗanda ta sani da wanda ba ta saniba, amma
karta kuskura ta gaya mishi cewa ga abin da ta yi saboda karta buɗe ƙofar waɗancan
ɓarnace
ɓarnacenda
za su iya biyo baya.
Haramun ne mace ta zubar da
ciki koda kuwa na zina ne. Zina babban zunubi ce, kuma zubar da cikin zai zama ƙarin wani babban zunubin na daban (kamar
kisan kai). Saboda haka, dole ne ta bar cikin har ta haife shi, kuma jaririn
bashi da laifin komai na abin da mahaifiyarsa ta aikata.
A Shari'ar Musulunci, idan
mace mai aure ta samu ciki ta hanyar zina har ta haihu, yaron na mijin aure ne,
ba na mazinacin ba. Wannan ya dace da sanannen hadisin Manzon Allah (ﷺ)
inda ya ce
"الْوَلَدُ
لِلْفِرَاشِ وَلِلْعَاهِرِ الْحَجَرُ"
("Ɗa na mai shimfida ne [mijin aure], shi
kuma mazinaci bashi da komai sai jifa").
Muddin mijin yana saduwa
dake a wannan lokacin, to yaron yana karkashin nasabar mijin ne. Sai dai idan
shi mijin da kansa ya musanta cikin ta hanyar rantsuwar LI'ANI a gaban alkali
(idan ya gano gaskiyar lamarin).
An tambayi SHAIK BIN BAAZ
dangane da matar datake da aure saita samu ciki ta hanyar zina, shin ya halatta
ta zubda cikin ɗan? ko za ta kyaleshi, idan
ta kyale cikin shin za ta baiwa mijinta labari ko ba zata bashi ba? sannan mene
ne yake wajibi a kan mijin a wannan halin?
Sai ya amsa dacewa: Bai
halatta agareta ta zubda wannan cikin ba, abun da yake wajibi akanta shi ne
tuba zuwa ga Allah maɗaukakin sarki, da kuma kin
bayyana al'amarin, ɗan da ta haifa kuma za a
jinginawa mijinta ma'ana ɗansane, saboda faɗin
Annabi sallahu Alaihi wasallam (Ɗa na
mai aure ne mazinaci kuma uƙuba
ce kawai tasa) Ma'ana wanda ya yi zina baida hakkin ajingina ɗan
gareshi, shi kawai uƙubar
zinarce a kansa. Fatawa bin bãaz (21/205). Da wannan majalisar fatawa ta kasar
saudiyyah ta yi fatawa akai.
Tare da girman laifin da
kika aikata da muninsa a al'ada da kuma hankali, babu wanda zai shiga tsakanin
Allah da bawansa, Allah yana farin ciki da tuban bawa kuma yana karɓar
tuban, Allah maɗaukakin sarki Ya ce
قُلْ
يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن
رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ
الْغَفُورُ الرَّحِيمُ
Ka ce: ''Yã bãyĩNa waɗanda
suka yi ɓarna
a kan rãyukansu! Kada ku yanke ƙauna
daga rahamar Allah. Lalle Allah na gãfarta
zunubai gabã ɗaya.
Lalle Shĩ, Shĩ ne Mai gãfara, Mai jin ƙai.'
(Suratul Zumar Aya ta 53).
Ibnu kasir rahimahullah Ya
ce: Wannan aya tana kirane ga dukkan masu saɓo su
tuba su koma zuwa ga Allah, tana kuma ba da labarin Allah yana gafarta zunubai
baki ɗaya
ga duk wanda ya tuba yadawo daka aikata laifukan, komai irin yawansu da
girmansu koda sunkai yawan kumfar kogi, matukar an yi tuba na gaskiya Allah
yana gafarta su.
Saboda haka kiyi nadama ki
koma ga Allah cikin gaggawa, ki yanke kowace irin alaka da wancan mazinacin, ki
kyautata wa mijinki kuma ki roki Allah ya asirta ki a duniya da lahira.
WALLAHU TA'ALA A'ALAM
Zauren Fatawoyi Bisa Alkur'ani Da Sunnah.
ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ
WALLAHU A'ALAM.
https://t.me/TambayaDaAnsa
𝐖𝐇𝐀𝐓𝐒𝐀𝐏𝐏👇
https://whatsapp.com/channel/0029VaA8YpB42DcZdoRuCj3G
𝐅𝐀𝐂𝐄𝐁𝐎𝐎𝐊👇
Https://www.facebook.com/groups/336629807654177
**************************
Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.

0 Comments
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.