"Baban Shamaki na Wali Ummaru Ɗan Sanda ba maza tsoro" cewar Makaɗa Alhaji (Dr.) Ibrahim Narambaɗa Tuubali a Waƙarsa mai amshi ' Mijin Nana Yalwa Ɗan Sanda, gulbi kawuce kwalhewa' wadda ya yi wa Marigayi Mai Martaba Sarkin Zazzau, Alhaji Muhammadu Aminu (yayi sarauta daga shekarar 1959 zuwa rasuwarsa a shekarar 1975). Wannan shi ne Walin Zazzau Ummaru Ɗan Sarkin Zazzau Ɗalhatu, ya yi sarautar Walin Zazzau daga shekarun 1920s zuwa rasuwarsa a shekarar 1984, ya kuma zauni gundumomin Lere da Ikara a matsayin Hakimi. Shi ne wanda Makaɗa Narambaɗa ke nufi a cikin wannan ɗan Waƙar kuma mahaifin Walin Zazzau na yanzu, Engineer Aminu Umar. Allah ya jiƙan magabatanmu, ya sa mu wanye lafiya mu cika da kyau da imani, amin.
Daga Taskar
Malam Ibrahim Muhammad Birnin Magaji
Ɗanmadamin Birnin Magaji
Imel: birninbagaji4040@gmail.com
Lambar Waya: 08149388452, 08027484815
0 Comments
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.