Hukuncin Mijin Da Ya Rubuta Wa Matarsa Saki, Sai Ya Fasa Ba Ta Takardar

𝐓𝐀𝐌𝐁𝐀𝐘𝐀❓

Mutum ne yake so ya saki Matarsa, har ma ya rubuta takarda dauke da saki uku a ciki, amma dagaba ya sai ya fasa ba ta takardar, Shin yanzu ta saku kenan ko ba ta saku ba??

𝐀𝐌𝐒𝐀❗️

Abin da Ma'abota Ilimi sukace dangane da wannan Mas'ala shi ne: idan Miji ya rubutawa Matarsa takardar saki, to hukunci yana komawa ne zuwa ga niyyar sa a lokacin da yake yin rubutun, idan dama a lokacin ya yi haka ne da niyyar saki to ko shakka babu cewa Matarsa ta saku ko ya ba ta takardar ko bai ba ta ba, amma idan a lokacin da yake rubutun ba niyyarsa ya saketa ba, sai dai ya yi ne kawai saboda da nufin idan nan gaba zai sake ta basai ya sake rubutawa ba, ko kuma ya rubuta ne da nufin ya baƙanta mata rai ko dan ya tsoratar da ita saboda ta dena aikata wani abu da take yi maras kyau, amma bawai ya yi ne da kudurin nufin ya saketa ba, dadai wasu abubuwa makamancin hakan, Malamai suka ce a irin wannan yana yi Matarsa tana nan ba ta saku ba, domin Manzon Allah(ﷺ) Ya ce:

"إنما الأعمال بالنيات......"

MA'ANA:

Haƙiƙa Dukkan ayyuka (na ibada) ana yinsu ne da niyya..........

Kuma wannan ita ce fatawar waɗannan Malamai kamar haka: ①-Imamu Malik ②-Imamu Abu-Hanifa ③-Imamush-Sha'abiy ④-Imamun-Nakh'iy ⑤-Imamuz-Zuhriy ⑥-Imamush-Shafi'iy. Da Sauran Mafi yawa daga cikin Ma'abota Ilimi, sukace shi dai rubutu hukuncinsa kamar kinaya ce, ita kuma kinaya ba a tabbatar da saki da ita sai in da niyya, abisa ga zancen da yafi inganci, amma inda zai fito fili ƙarara ya furta da bakinsa ya ce na sakeki to ko shakka babu anan Matarsa tasaku.

Danhaka kenan idan Miji ya rubutawa Matarsa takardar saki mai ɗauke da lafazin da ya ɗauki Ma'anar saki a fili, kuma ya rubuta hakan da niyyar ya saketa ɗin shikenan Matarsa ta saku, amma idan saki biyu ne ya rubuta ko kuma saki uku magana mafi inganci za a ɗauke shi ne amatsayin saki ɗaya kawai, duk da cewa Mazhabin MALIKIYYA sun tafi ne a kan cewa idan mutum ya saki mace saki uku a lokaci ɗaya to kawai ta saku, amma magana mafi inganci za a ɗauke shi ne amatsayin saki ɗaya kamar yadda Malamai da yawa suka yi bayani a kan haka.

шαʟʟαнυ-тα'αʟα α'αʟαмυ

 Mυѕтαρнα Uѕмαи

 08032531505

Ga Masu Buƙatar Shiga Wannan Group Zaku iya bi ta Links ɗin mu...

ƘARIN BAYANI

HUKUNCIN RUBUTA TAKARDAR SAKI BA TARE DA BAYAR DA ITA BA

Tambaya

Assalamu Alaikum. Malam, mene ne hukuncin mijin da ya zauna ya rubuta wa matarsa takardar saki (har saki uku), amma bayan ya gama rubutun sai ya fasa ba ta takardar, ya adana ta ko ya yaga. Shin aurensu ya rushe ko yana nan daram tunda bai ba ta takardar ba?

Amsa

Wa'alaikumus Salám wa Rahmatullāh. Wannan mas'ala tana komawa ne ga Niyya, domin rubutu a wurin mafi yawan malamai (kamar yadda aka ambata daga Mazhabar Malikiya, Shafi'iyya, da Hanafiyya) ana ɗaukarsa ne a matsayin Kinaya (nuni). Shi kuma saki na nuni ba ya aukuwa sai da niyya.

1. Matsayin Rubutu Da Alaqarsa Da Niyya

Idan miji ya rubuta saki, aka tambaye shi "Me kake nufi?" Idan ya ce: "Na rubuta ne da niyyar sakin ta," to saki ya auku ko da takardar ba ta isa hannun matar ba. Amma idan ya ce: "Na rubuta ne kawai don in gwada alkalami," ko "don in tsoratar da ita amma ba na nufin saki," to aurensu yana nan.

Hujja daga Hadisi:

 عَنْ عُمَرَ بْنِ الْخَطَّابِ رَضِيَ اللهُ عَنْهُ قَالَ: سَمِعْتُ رَسُولَ اللهِ صَلَّى اللهُ عَلَيْهِ وَسَلَّمَ يَقُولُ: «إِنَّمَا الْأَعْمَالُ بِالنِّيَّاتِ، وَإِنَّمَا لِكُلِّ امْرِئٍ مَا نَوَى»

Fassarar Hausa: Daga Umar ɗan Khattab (R.A) ya ce: Na ji Manzon Allah (S.A.W) yana cewa: "Haƙiƙa ayyuka suna kasancewa ne tare da niyya, kuma kowane mutum yana da abin da ya yi niyya." (Sahihul Bukhari: 1).

Sakin da yake aukuwa ba tare da niyya ba shi ne wanda aka furta shi Sarihi (a sarari) da baki, kamar mutum ya ce "Na sake ki." Amma rubutu, tunda kalami ne na shiru, yana buƙatar ƙudiri na zuciya.

2. Matsayin Saki Uku A Lokaci Guda

Idan har niyyar sakin ta tabbata, to takardar da aka rubuta saki uku a cikinta, mafi ingancin magana (wadda Ibn Taimiyyah da Ibnul Qayyim suka rinjayar, kuma akwai hujjoji a kanta) ita ce: Saki ɗaya ne ya auku. Ko da mutum zai ce "Na sake ki saki dubu" a kalma guda, saki ɗaya ne a shari'ance.

Hujja daga Hadisi (Sahihu Muslim):

 عَنِ ابْنِ عَبَّاسٍ رَضِيَ اللهُ عَنْهُمَا قَالَ: «كَانَ الطَّلَاقُ عَلَى عَهْدِ رَسُولِ اللهِ صَلَّى اللهُ عَلَيْهِ وَسَلَّمَ وَأَبِي بَكْرٍ، وَسَدْرًا مِنْ خِلَافَةِ عُمَرَ، طَلَاقُ الثَّلَاثِ وَاحِدَةً»

Fassarar Hausa: Daga Ibn Abbas (R.A) ya ce: "Sakin uku (da aka yi a lokaci guda) ya kasance ana ɗaukar sa a matsayin saki ɗaya a zamanin Manzon Allah (S.A.W), da zamanin Abubakar, da kuma farkon khalifancin Umar." (Sahihu Muslim: 1472).

3. Shawara Ga Ma'aurata

Yana da kyau miji ya kiyaye wasa da kalaman saki ko rubuta su, domin saki babban al'amari ne da Allah Ya sanya shi a matsayin mafita ta ƙarshe, ba abin wasa ko tsoratarwa ba. Idan mutum ya rubuta saki da niyyar gaske, to ya zama dole ya sanar da matar kuma ta fara iddah, domin idan ya ɓoye mata ya ci gaba da saduwa da ita, ya kusa faɗawa cikin zina ba tare da ya sani ba.

Kammalawa

1. Idan ya rubuta ba tare da niyyar saki ba, aure yana nan.

2. Idan ya rubuta da niyyar saki, saki ya auku ko da bai ba ta takardar ba.

3. Idan saki uku ya rubuta a lokaci guda, saki ɗaya ne a mafi ingancin magana.

Allah ne mafi sani.

𝐖𝐇𝐀𝐓𝐒𝐀𝐏𝐏👇

https://chat.whatsapp.com/BXjuXb1WxX99NV3OsXPnLV

𝐅𝐀𝐂𝐄𝐁𝐎𝐎𝐊👇

Https://www.facebook.com/groups/336629807654177

𝐓𝐄𝐋𝐄𝐆𝐑𝐀𝐌👇

https://t.me/TambayoyiDaAmsoshi

ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ

**************************

Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.