𝐓𝐀𝐌𝐁𝐀𝐘𝐀❓
Assalamu Alaikum Malam mene ne matsayin mutumin da ya ce shi bai yarda da hadisan Annabi (Sallallahu Alaihi Wasallam) ba? Kuma ya ce bai yarda dukkan litattafan Musulunci ba??
𝐀𝐌𝐒𝐀❗️
Wa alaikumussalam
warahmatullahi wabarakatuh.
Karyata Hadisan
Annabi (Sallallahu Alaihi Wasallam) baki ɗaya ko kuma musun litattafan da aka amince da
su, ana daukarsa a matsayin abin da yake fitar da mutum daga addinin Musulunci,
saboda yana nuna ya musanta wani babban sashi na wahayi da umarnin Allah.
Malaman Musulunci
suna cewa irin wannan mutumin yana zuwa karkashin hukuncin murtadi (wato wanda
ya bar Musulunci), kuma ana bukatar a nuna masa gaskiya tare da gabatar masa da
hujjoji ta hannun kwararrun malamai don su cire masa shakku ko jahilci.
Akwai masu cewa
Alkur'ani kaɗai suke yarda da shi
(wato ƘALA-ƘATO) amma suka musanta Hadisi gaba ɗaya. Malaman sun ɗauki musanta Hadisi
ingantacce a matsayin babban bidi'a kuma karkacewa mai tsanani, ballantana kuma
haɗa da cewa bai yarda
da dukkan litattafan Musulunci ba. domin hakan yana nufin ya karkata zuwa ga
kafirci ko ridda.
Irin wannan mummunar
aƙeedah
ce ta 'yan ƘALA-ƘATO da kuma 'yan SHI'A. Duk mai yinta
ba za'a kirashi musulmi ba.
Dukkanin maluman
musulunci sunyi ittifaƙin cewa wajibi ne muyi imani kuma mubi dukkan abinda
Annabi (Sallallahu Alaihi Wasallam) ya zo mana dashi. Domin Allah yana cewa:
ؕ وَمَاۤ اٰتٰٮكُمُ
الرَّسُوۡلُ فَخُذُوْهُ وَ مَا َنَهٰٮكُمۡ عَنۡهُ فَانْتَهُوۡا ۚ
kuma abin da Manzo ya
bã ku, to, ku kama shi, kuma abin da ya hane ku, to, ku bar shi. Kuma ku bi
Allah da taƙawa. Lalle, Allah, Mai tsananin uƙũba
ne. (Surah: Al-Hashr, Ayat: 7).
Duk mai irin wannan
akidar kafiri ne domin kuwa ALLAH yana cewa:
فَلَا
وَرَبِّكَ لَا يُؤۡمِنُوۡنَ حَتّٰى يُحَكِّمُوۡكَ فِيۡمَا شَجَرَ بَيۡنَهُمۡ ثُمَّ
لَا يَجِدُوۡا فِىۡۤ اَنۡفُسِهِمۡ حَرَجًا مِّمَّا قَضَيۡتَ وَيُسَلِّمُوۡا
تَسۡلِيۡمًا
Ina rantsuwa da
Ubangijinka, ba za su yi ĩmãni ba, sai sun yarda da hukuncinka ga abin da ya sãɓa a tsakãninsu,
sa'annan kuma ba su sãmi wani ƙunci a cikin zukãtansu
ba, daga abin da ka hukunta, kuma su sallama maka cikakkiyar sallamãwa.
(Surah: An-Nisaa, Ayat: 65).
Bai halatta ayi koyi
da irin waɗannan mutane ba. Kuma
ya kamata hukuma ta ɗauki mataki akansu.
Domin kuwa Sayyiduna Umar (ra) ya kashe wani mutum ya yinda yaki yarda da
hukuncin Annabi (Sallallahu Alaihi Wasallam)
WALLAHU TA'ALA A'ALAM
Zauren Fatawoyi Bisa Alkur'ani Da Sunnah.
ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ
WALLAHU A'ALAM.
https://t.me/TambayaDaAnsa
𝐖𝐇𝐀𝐓𝐒𝐀𝐏𝐏👇
https://whatsapp.com/channel/0029VaA8YpB42DcZdoRuCj3G
𝐅𝐀𝐂𝐄𝐁𝐎𝐎𝐊👇
Https://www.facebook.com/groups/336629807654177
**************************
Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.

0 Comments
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.