𝐓𝐀𝐌𝐁𝐀𝐘𝐀❓
Assalamu alaikum malam. Tambayata ita ce: mutum ne ya nemi saduwa da matarsa ta sunnah sai taki Amincewa har ta kai ya nemeta ta karfi, bayan an gama ya ce da ita har zuwa lokacin da zai tashi daga bacci kar ta sake ya ganta da kaya a jikinta, Cikin ikon Allah bacci ya kwasheshi bai tashi ba sai da safe. Yayin da ya tashi kuma ya ganta sanye da kaya ajikinta. Da ya tambaya ta ko me ya sa ya gan ta sanye da kaya sai ta ce wai sallah ta yi. Amma fa ba ta tashe shi ba ko da ta tashin don yin sallar. Dan Allah malam meye hukuncin wannan? na gode dan Allah ataimaka a amsa min tambayata malam.
HUKUNCIN MATAR DA KE ƘIN
SADUWA DA MIJINTA
𝐀𝐌𝐒𝐀❗️
Wa alaikumus salam wa
rahmatullah.
Allah ya wajabta wa mace
wasu hakkoki game da mijinta. Ta fuskar yi masa ladabi da biyayya da kyautatawa
cikin duk abin da ba saɓon Allah ba ne.
Daga cikin kuma hakkokin da ma'aurata ke da
shi a kan junansu akwai hakkin biya wa junansu bukatarsu ta jinsi da jinsi. Wato
bukatar sha'awa wacce Allah ya sanya atsakanin juna. Domin shi dama aure ana
yinsa ne domin samar da zuriyya tsarkaka ta hanyar biyan wannan bukatar da kuma
tsare juna daga ketare iyaka da ayyukan Ɓarna.
Manzon Allah (SAW) ya ce: "Idan mutum ya
kira matarsa zuwa shimfidarsa sai taƙi
zuwa, kuma ya kwana cikin fushi da ita, to Mala'iku ma suna tsine mata har zuwa
wayewar gari".
To amma idan tana da larura
kamar rashin lafiya mai tsanani ko zazzabi ko ciwon ciki, ko wata larurar ya
kamata shi mijin nata ya yi mata uzuri zuwa lokacin da za ta warke. Hakanan
idan yarin ya ce karama wacce ba ta saba ba, ya kamata mijinta yabi a hankali
da lallami da kyautatawa har ya samu biyan bukatarsa ba ta hanyar kokuwa ko fin
karfi ba.
Irin wannan yakan janyo Ƙaruwar kiyayyar juna da hayaniya da
rashin fahimtar juna. Wasu lokutan ma za ka iya jin rauni ko kaji mata rauni,
harma a kan iya rasa rai ta wannan hanyar.
Don haka ina baka shawarar
ka bita a hankali banda kokuwa. Kuma umurnin da ka ba ta wai ta zauna tsirara
kada ta sanya sutura, ba ta yi laifi ba cikin saɓa
maka. Tunda lokacin sallah ya yi, kuma umurnin Allah yana gaba da naka.
Atakaice dai Malam ka ji
tsoron Allah ka gyara alakarka da matarka. Itama tana da hakkin kyautatawa
akanka kamar yadda kaima kake da shi akanta. Ka dena daukarta kamar baiwarka,
ka dauketa amatsayin abokiyar rayuwarka, wacce kuke zaman ibadah tare. Kada ka
zama tamkar wani soja a gidanka. Murmushi, Kyautatawa, wasa da juna, da
tattaunawa da juna duk hanyoyin daidaitawa ne ako yaushe.
Muyi koyi da Shugaban
halitta (SAW) irin yadda ya zauna da nasa
iyalan, In shaAllahu zamu rabauta.
WALLAHU A'ALAM.
Zauren Fatawoyi Bisa Alkur'ani Da Sunnah.
ﺳُﺒﺤَﺎﻧَﻚَ ﺍﻟﻠَّﻬُﻢَّ ﻭَﺑِﺤَﻤْﺪِﻙَ ﺃﺷْﻬَﺪُ ﺃﻥ ﻟَﺎ ﺇِﻟَﻪَ ﺇِﻻَّ ﺃﻧْﺖَ ﺃﺳْﺘَﻐْﻔِﺮُﻙَ ﻭﺃَﺗُﻮﺏُ ﺇِﻟَﻴْﻚ
WALLAHU A'ALAM.
https://t.me/TambayaDaAnsa
𝐖𝐇𝐀𝐓𝐒𝐀𝐏𝐏👇
https://whatsapp.com/channel/0029VaA8YpB42DcZdoRuCj3G
𝐅𝐀𝐂𝐄𝐁𝐎𝐎𝐊👇
Https://www.facebook.com/groups/336629807654177
**************************
Wannan ɗaya ne daga cikin fatahowin Musulunci da aka gina su kan Ƙur’ani da Hadisan Manzon Allah (SAW) waɗanda ake samu a shafukan Tambayoyi da Amsoshi na Sheik Malam Khamis Yusuf a Facebook, Telegram, da WhatsApp. Za ku iya bibiyar shafukansa domin karanta ƙarin fatawowi.

0 Comments
ENGLISH: You are warmly invited to share your comments or ask questions regarding this post or related topics of interest. Your feedback serves as evidence of your appreciation for our hard work and ongoing efforts to sustain this extensive and informative blog. We value your input and engagement.
HAUSA: Kuna iya rubuto mana tsokaci ko tambayoyi a ƙasa. Tsokacinku game da abubuwan da muke ɗorawa shi zai tabbatar mana cewa mutane suna amfana da wannan ƙoƙari da muke yi na tattaro muku ɗimbin ilimummuka a wannan kafar intanet.